Zun In Phone Tha Thun

1013570_603640739676568_1383036808_nJuly 16 ih tarmi Business Insider web ah minung zun in phone tha (battery) thun a theih thu, an tarlang. England ih Bristol University ah hliakhlainak an tuah hi minung zun in battery thun theimi bacteria telmi battery an tuah. Minung zun rori ih phone battery thun ding cu mangbangza, zumlo ding awm a si ko nain, an hmuhsuahmi a si thu, Bristol ih engineer Ioannist Ieropoulos cun a sim. A thathnemnak cu ni, thli, tidai thazang hmangin metsatha laknak silo minung ih kan hlonmi “zun” khal in metsatha a ngah ruangah lungawiza a si, tiin khal a simbeet. An tuahdan cu bacteria pawl cu thlalang dawng sungah carbon fibre anodes thawn an zuat ih cumi thlalang dawng sungih zun thawhmi pawl cu bacteria pawl in capacitor sungah an rak khawl. Cutiin meisatha an khawl ih phone ih battery pawl an thun thei. Himi hi phone lawng siloin adang meisatha hman tulmi thilri pawl ah khal hmang thei dingin an zuam rero.

Comments

comments

Comments

%d bloggers like this: