Zumtu, Zumlotu, Zumtu Siter

January 6

Zarhpi Ni

 

Zumtu, Zumlotu, Zumtu Siter

 

Bible Siar Ding: Matthai 25:1-13

 

Cule fala aa pawl cun fala fim pawl hnenah, “Kan mei-inn an mit cuahco thlang, nan zinan in tthen ve uh,” tiah an dil.

–         Matt. 25:8

 

Nauhak pawl in, “zumtu siter” timi lek an nuam aw. An khuaruah pawl in hnihsuahnak tampi a suahter ih a caangcaang ahcun thil dik (reality) ihsin harsatnak an theithiam ngah. “Zumtu siter (make believe)” timi leknak hi nauhak pawl hrangah a tthami leknak cu a si ko nain upa pawl in Pathian thawn pehtlaih awknak ih an ti awkter a si ahcun cumi cu ttih a nung.

Hih thuanthu tawi sungih zinan timi in Thlarau Thianghlim a langter asile fala aa panga pawl cu Christian sinak sungah an nuam aw ko nain an thinlung cu atak in a thlengh aw ngaingai lo. Hmakhatte zohnak ahcun fala fim panga pawl cu mai’ zawn lawng ruattu vek an bang. An nun daan zia cu midang hnenah siangzet in na neihmi va hlawm aw, timi thawn a kalhkeh aw. Sihmansehla Thlarau Thianghlim cu zo hnen hman ah va pek theihmi a si lo. Mikip in Pathian hnenah pumpak in an pan a ttul – mi pakhatkhat hnenah kannih ih pek theimi thil a si lo.

Kan innsang asilole kan rualpi pawl in anmah le anmah Christian ti’n an ko aw thei men, sikhalsehla pumpak in Mopa hnenih an pan lo a si ahcun fala aa panga pawl vekin an si ve ding. Duhnungbik kan tuah sak theimi umsun cu “zumtu siter” timi lek rero loin anmah bulpak hrang rori ah Jesuh Khrih kha i Runtu le ka Bawipa tiih pom thei dingin thapeknak hi a si.

 

Bawipa, mi dang pawl kha an thlarau nun a dik lomi ih humhimnak hawl ko a tuahtu si lo dingin in bawm aw. Mopa thawn tong aw dingin ziangti’n tha ka pe thei ding ti in hmuh aw.

Zo in so ka mei-inn ih zinan cawi in dil? Ziangti’n Jesuh thawn pumpak ih ton awknak nei dingin ka bawm thei pei?

 

@Ava Pennington

Comments

comments

Comments

%d bloggers like this: