Zumtu Hremnak Somalia Ah A Luar Lai; Thuhla Relbet Loin Lutan Cih Theih A Si

Africa ram Sunni Muslim burkhawm zatek 99.5% umnak hmun ahcun Pathian ka zum tinak men le zumtu ka si tinak men in, zianghman thuhla suhbet tullo in mipi lakih lutan cih theih a si hrih lai.

The Christian Post ih a tarlannak vek a si ahcun Somalia ram ih Khristian pawl hremnak hi a nasa zet laiih tuhnak ih let in a nasa vivo lai ding tiah zum a um tiin, bawm an tul zia khal an tarlang.

World Watch List ih hminsinnak ahcun Somalia hi tufang leitlun zumtu pawl hrem nasabiktu pahnihnak a si. North Korea hi pakhatnak a si. North Korea sangtu a sinan Somalia ahcun zumtu ih letawtu lole Khristian ih cangtu pawl theih an si veten zianghman an thuhla relbet tullo in mipi burkhawm hmun ah lu tan theih cih a siih, North Korea ahcun ni hnihkhat lole an thuhla suhbet le hliahhlia bet theih a si thu pawl leitlun ramtam huap ih daan thiam, Yonas Dembele cun Open Door International, World Watch Research pawl hnen ah a sim.

Somalia ahcun zumtu si cing khalin ‘zumlotu vekih umawkter’ a tul titla in a sim. Hi tiih a luar hleicenak san pakhat lak ih tel cu October 2016 ih ISIS mihel pawl an ram an luh hnu ihsin a luar tiin Mission Network News cun a tarlang. An harsat leh betnak dang pakhat le cu ISIS silo zumtu pawl hua hlehletu al-Shabaab pawl in hi ram an uknak ruang khal hi a tel cih.

Ahlan ahcun Catholic mi 2000 tluk an rak um nan, 2008 kum ih Mogadishu ih an biak inn pawl an tisiat ihsin hmun dang ah hramhram in an nor thekdarh thluh.#

Comments

comments

Comments

%d bloggers like this: