Zumtu Hrembiktu Ram Lakih Pakhat Bangladesh Ah Zumtu An Karh Vivo


Leitlun ih zumtu hrem nasabiktu ram lak ih ram26 nak ih um theu ram ah Pathian Thlarauthianghlim ih hnatuan cu nasaten a karh ih zumtu nitin an pung sinsin. Leitllun ih Muslim bur um tambiknak ram pa 4 nak khal a si. Cui ram cu Bangladesh ram hi a si.

Bangladesh ram hi mipum 164.8 million an um ih Open Doors USA pawl ih an hminsin danah zumtu hi mi 866000 tluk an um ding tiah zum a si. Christian Freedom International (CFI) pawl ih hminsin dan ahcun an ram pum ih zatek 89.1% hi Muslim an siih zatek 10% hi Hindu siin zatek 1% hnak ih mal hi zumtu an si tiin an rak hminsin mi ram a rak si.

Asinan nikum 2016 ihsin an ram ih zumtu hi nasa ngaiten an karh vivo ih tuikum March thlatiang ih an hminsinnak ahcun zatek 10% lenglo tluk an rak thleng. Hivek ih a than vivo ahcun hmaikum ahcun zumtu 15.6 million lenglo kimin zumtu ram pi tiang hmanah a cang thei ding hi a zum um tiin CFI pawl cun an sim.

Amahlawngte hi tiih Muslicm pawl zumtu ih an rak letawk vivo mi hi Muslim hruaitu pawl hrangih thil harsa a si ruangah zumtu pawl hremnak le thahnak khal nasa ngaiten a luar vivo bet ding ti hi phan um za ngaingai a si tiin Bangladesh ih Pastor pakhat Muslim ihsin zumtu ih letawtu pakhat cun a sim.

Kan dung kum ihsin tuikum sung roriih Muslim mi zumtu ih letaw hi mi 20000 luan an um tiin Pastor Khaleque cun a sim.

Bangladesh ram ih daan hrampi ahcun sakhua zalen zet ih biak theinak daan an nei nan Islamic le Muslim pawl ih cangvaihnak pawl luarkai zet ih langnak hmun a si ruangah zumtu pawl hrang ahcun nitin harsatnak le nepcetnak a si rero hrih lai. Cu cingin zumtu cu nitin an pung vivo.

– Christian Today

Comments

comments

Comments

%d bloggers like this: