Zumnak Thlalang

May 29
Tlawngkai Nihnih

Zumnak Thlalang

Sikhalsehla mi a luattertu, a famkimmi daan kha felzet ih a zoh ringringtu cu a thei mentu le a hngilhtu si loin a tuahsuaktu a si; cutiin a tuahsuak ruangah Pathian ih thluasuah mi a si ding.
– James 1:25

Bible Siar Ding: Daniel 3:10-30

Pathian Thu cu kumkhua in kumkhua tiang a hmunmi a si (Saam 90:2). A Thukam cu ziangtik hmanah a pelh dah lo. Pathian Ttongkam cu thutak a si, ih cuih thutak parih kan tthum awk ahcun a nasazetmi rah kah rah thei ding. Zumnak cun thlalang a zoh dah lo. Zumnak thlalang cu a famkimmi zalennak daan famkim a si.

Pathian ih a famkimmi daan a zohtu cun khawthim hmuahhmuah a tthawnter thei ding. Anih cun Khrih sungih mi famkim a sinak lawng kha a hmu. Rinnak sungah thimnak a um lo. Thimnak cu hih leitlun khawvel daan lawngah a um. Thimnak cu leilung daan in vanlam daan a airawl tik caan ah a suak ttheu.

Zaangfahnak le thlangam daihnak cu kan nunnak in Pathian le Jesuh Khrih kan theih thuk caan ah a karhzai ttheu. Pathian le Rundamtu kan theih fiang ngaingai tikah kan hnenah daihnak a karhzai ih Nebuchadnezzars ih mei lipi a let thawngkhat ih saami hnakin a tam sawn. Kan rinnak cu a karh deuhdeuh ding, kiosa khur sungih thlak kan si khal le harsat buainak lak khal ah a lungawi thei thotho ding.

Daniel kha kiosa (lion) khur sungih an thlak zaan ahkhan Daniel le siangpahrang pa ih nunnak ah ziangmi danglamnak si a um? Daniel ih zumnak cu a hngetkhohzet. Asinan singpahrang bawipa ih nun cu a si thei ngai pei maw tiih hniksaknak a tong. A thaizing ah siangpahrang bawipa cu a tho ih kiosa khur kiangkap ahcun a her aw rero ih hiti’n a ausuak: “Maw Daniel, a nungmi Pathian riantu! Rintlakzet ih na renmi na Pathian cun kiosa kaa sung ihsin a lo hum thei maw?” (Daniel 6:20). Cutikah khur sung ihisn Daniel in, “Pathian in kiosa pawl ih kaa huptu dingah a vancungmi pawl a run thlah ih pakhat hmanin in siatsuah lo,” a ti (c. 22).

Thil cu tuah ttheh in a um. Daniel cu a inn saanka te ong in Jerusalem lam hoih in Pathian hnenah tikcu hmanhman in thla a cam ringring zo. Thlacamnak cu duhnungza thiltithei a si, a lianbikmi Pathian, karzaitertu Pathian le kanmah karlak ah pehtlaihnak a umter. Aw Bawipa cu ka va duh so. Amah cu Mangbangza runhimtu a si!

Kan raal pawl cu kan do hlan ihsin neh sak cia zomi a si.

@ Smith Wigglesworth

(Visited 18 times, 1 visits today)

Comments

comments

Comments

%d bloggers like this: