Zumnak Thar

February 25
Zarhte Ni

Zumnak Thar

Nan zumnak khui ahso?
Luka 8:25

Bible Siar Ding: Luka 8:22-39

Paul in Khristian pawl hi phun hnih in a tthen: thulung (obedient) le thulung lo (disobedient) ti’n. Thulung cun Pathian ih simmi ttha te’n a ngai ringring. Hi pawl hi Pathian in leilung in Amah an theih theinak ding hrangah a hman theimi an si.

Na theih dah lomi le na tonteh dah lomi thu na rel thei lo ding. Pathian in kanmah zirh daan ding a dotdot a nei. Nangmah le nangmah kekkuai nun nei ko na tuah awk taa hlanlo midang pawl Pathian ih duhdawtnak sungah na hruaikai thei lo ding. Kei hi keimah le keimah kekkuai nun nei ko ka tuah aw ta neknek zo. Pathian cu thangthat in um seh, ziangahtile, “Bawipa cu thinlung kekkuai pawl ih kiangah a um” (Saam 34:18). Pathian thawn thukzet ih pawlkom awk thei dingah kekkuai nun neih hmaisa a ttul.

Cawlhhahdammi zumnak cu Pathian kan rin ngamnak sungah a tthum awk. Pathian cu a thukammi a pelh dah lo. “Zumnak cu theihnak, Pathian Ttongkam theihnak ihsin a ra” (Rom 10:17). Pathian Ttongkam in kham theih lomi zumnak, beidong dah lomi zumnak, dungsip dah lomi zumnak le a palh dah lomi zumnak a sersiam thei. Pathian ih a kauzetmi thluasuah cu tah a theih lo. A baang thei lomi in bawmtu a sinak kan hngilh. A hnenah tampi kan dil asile Pathian cu a lung a awi. “Mi ttha lozet nan si nain nan faate pawl hrang ahcun a tthami thil pek nan thiam a si ahcun vancung ih a ummi nan Pa in a diltu hnen ahcun ziangtinso thil ttha pek loin a um ding?” (Matt 7:21).

Kan hmailam ah lungpheng dar tumpi in in kham vekin kan theih awk caan a um ttheu. Thinlung sungah zianghman phuurnak neih thei lo caan a um ttheu. Ziangtinkim hi a thim bepbep thluh vek caan a um ttheu. Kan hrangah zianghman a taang nawn lo, Pathian kan rinngamnak siar lo cu! Na tuah dingmi umsun cu Amah biak ding le Anih cun tisuak loin a um lo ding ti zum ngam ding lawng hi a si.

Nangmai’ thinlung phuurnak parah rinnak na neih ahcun zianghman na tisuak thei dah lo ding. Phuurnak hnakih a let tampi a tthasawnmi a um, cumi cu Pathian Ttongkam ih huham cahnak a si. Vanlam phuanlangnak na sungah a um, hrintharnak na neih caan ah. Cumi kha zumnak diktak cu a si. Pathian Uknak hmun thar sungih hrintharnak neih cu zumnak thar sungih hrintharnak neih hi a si.

Pathian in thil pakhatkhat tuah a lo fial asile tuah lohli aw, asinan a lo simtu hi Pathian a si maw ti fiangzet seh!

@ Smith Wigglesworth

(Visited 26 times, 1 visits today)

Comments

comments

Comments

%d bloggers like this: