Zumnak le Huham ih Khat

January 24
Tlawngkai Nihnih

Zumnak le Huham ih Khat

Pathian in a thluasuahzetmi le cahnak huham thawn a khat mi Stefen in misenpi lakah khuaruahharza le hmuhsaknak maksak tampi a tuah. – Tirh. 6:8

Bible Siar Ding: Luke 4:1-19

Kawhhran hmaisalai caan ah, Pathian hnattuantu ding zate cu Thlarau Thianghlim thawn khatmi si a ttul. Bawipa ih hnattuan sunglawi ttuan thei dingah a maksakbikmi tlinnak cu Thlarau Thianghlim thawn khat hi a si.

Stefen cu “zumnak le Thlarau Thianghlim thawn khat” a si (Tirh 6:5,8). Pathian cu Stefen nunnak sung ihsin a phuanglang aw ih amah cu mikip ih hmuh theih le siar theihmi thutak hmuhsaktu cakuat ah a cang. Amah cu rinnak in a khat! Ziangtik hmanah rinhmainak thawn thu a sim dah lo. “Cumi cangsuak dingih duhnak ka nei” asilole “Pathian ih rem a ti a si ahcun” tivek ih a rel dah lo ih, “sisehla” timi an nei lo. Cuhnak in anih cun, “Cumi cu a cangsuak rori ding,” a ti. A si thei lo ding timi ah anih cun thla a cam ih, “Cumi cu tuahsuak in a um ding,” a ti ngam. A au tikah phardawl cu an khai aw. Pathian in cuih rinnak cu Khrih sung ihsin in pe a si. Zumlonak le vaivuannak ti pawl cu kan sungah um lo dingin kan raalrin a ttul.

“Stefen, Pathian in a thluasuahzetmi le cahnak huham thawn a khatmi in misenpi lakah khuaruahharza le hmuhsaknak maksak tampi a tuah (Tirh. 6:8). Thlarau Thianghlim cu Stefen ih nunnak hmangin mangbangza a tuah, ziangahtile Pathian a zum ruangah a si. Pathian cu A Thu a zum ngamtu pawl hnenah a umpi ringirng a si. Ziangtinkim hi a cangsuak thei thluh, ziangruangahtile Stefen ih nunnak sungah Thlarau Thianghlim in a ceencilh ruangah a si.

Stefen cu Thlarau Thianghlim thawn a khah ruangah Pathian in a tumtahmi pawl cu a nunnak hmangin a famkimter. Pathian fahniang pakhat cu Thlarau Thianghlim thawn a khah tikah a thinlung hmutu Pathian in Thlarau ih a ruahmi cu ziang a si ti a thei; ziangtintile Pathian duhzawng in a mithiang pawl hrangah Thlarau in Pathian hnenah in dilsak a si (Rom 8:27). Anih cun kan nunnak in a hiarhaal ih meihlio bangih a alh lai hlan lo kan sunglam ah hna a ttuan. Ziangti’n ka thok ding ti kan theih lolai ah Thlarau Thianghlim cu a hnattuan a thok. Thlarau Thianghlim cu kan nunnak sungih zalennak kan pek asile kan thlacamnak in ngaisang ding. Thlarau Thianghlim sungih thla kan cam asile Pathian kan lakah a phuanglang aw ding a si.

Stefen cu Thlarau in fimnak a pek ih a ttong tikah zohman in an el thei lo (Tirh 6:10). Thlarau in kan khat asile fimnak kan nei ding.

Rinnak ih khat zumtu cun ruahsannak nung a nei.

@ Smith Wigglesworth

(Visited 23 times, 1 visits today)

Comments

comments

Comments

%d bloggers like this: