Zumnak in Thupek theinak Dinhmun

January 8
Nipi Ni

Zumnak in Thupeknak theinak Dinhmun

Zumnak neih timi cu kan ruahsanmi kan ngah tengteng ding; ti zum le kan mit ih kan hmuh thei lomi a um rori a si, ti zum khi a si.
– Hebru 11:1

Bible Siar Ding: Saam 20

Paul in a piantharnak thu hi caan tampi a rel saal cingcing, ih cumi theih saal leuhleuh cu Pathian in na hrangih a lo tuahsakmi na theih fiangnak dingah a ttha ti’n ka zum. Leitlun hmuntin ah thuthangtha sim in ka tlawng ih Pathian in ka hrangah ziangkim khua in khansak zia fiang te’n ka hmu. Mipi pawl hnenah hiti’n ka sim ttheu, “Bawipa in America ramsung le Canada ramsung a zate thleng thluh thei dingin cahnak le caan ttha i pek, i thluasuah,” ti’n. Bawipa in a hnattuan dingin khualtlawng dingih i kawh caan ah hiti’n ka ti: “Bawipa, tuah dingmi thil pathum na nei: Ka innsungsang fahniang pawl ih ei in dingah sumsaw le ka khualtlawn veivahnak ding hrangih a ttulmi sumsaw hawl a ttul, ih ka nunnak ah thleng awknak na umter a ttul, ziangahtile Na theih bangin kei hi ka tartuk thlang ih ka thluak ih ciinken theinak a ttha nawn lo.”

Pathian cun ka ttulmi sumsaw cu hmun dangdang ihsin ka hnenah a thlenter, ih kei in, “Himi pawl hi Pathian ih i kuatmi a si ti cu thutak a si. British paisa pound 50 ka nei zo,” ka ti. Ka fapa George in, “Ka pa, ka nu in le vancungram ah in fehsan zo, ih nang le kanmah lawng inn ah in taansan tum ringring; ziangti’n kan rung nung ding?” in ti. Cutikah, “George, a pahnihnak cabawm kha vun ong hnik,” ti’n ka fial. Cuih cabawm sungah cun ngun tangka 25 a um. Pathian in i thluasuah ti ka fapa in a hmu fiang.

Liverpool ah ka feh, ih mi pakhat ka hnenah ra in, “Hinah tangka fangnga hi na hrangah” in ti. Tinbaw parih ka umlai ah, hnipuan sia nawnte a hrukmi nunau pakhat in cini thannak zaal sente i pek, ih cumi sungah ahcun sui tangka kulhluannga a um. Tinbaw parih ka kaizik zawngah mi pakhat a rak ra ih cabu pakhat i pek hnu ah, “Hi tawk ah kum khat daih nitin sim dingmi thuthangtha timtuah cia in a um,” in ti. Cule Bawipa in, “Thla khat sungah a zate in na hmurkam ah ret thluh aw,” i ti. Ka zuam tikah encyclopedia vekin ziangkim theih theinak thluak (memory) ka nei. Khurram thu (Geography) ka zir dah lo nain leitlun hmun zakip ah Bawipa in i thlenter a si.

A thianghlimmi zumnak na neih ruangih na comi dinhmun – zumnak in thupek theinak dinhmun – kha sungralter pang hlah awla cuti’n Satan cu na neh thei ding a si. Harsat buainak na ton laifang kha tikcu caan tthabik na neih caan a si.

Pathian hnenah na zumnak hmual neizet ih hmansuah theinak dingah zaangfahnak huham dilngen aw. A Thu sungah fek tein na dinghnget asile Pathian in na nunnak hmangin khuaruahhar a tuah ding a si.

@ Smith Wigglesworth

(Visited 23 times, 1 visits today)

Comments

comments

Comments

%d bloggers like this: