Zumnak ih Thilri

February 5
Zarhpi Ni

Zumnak ih Thilri

Ziangtin a si tile, Pathian in Amah le minung karlak ah remnak ziangbangtuk in a tuah, ti kha a langter; cumi cu a hramthok ihsin a net tiang zumnak thawngin a si. Ca Thianghlim khalin, “Zumnak thawngih thiamcoter mi cu an nung ding,” a ti.
– Rom 1:17

Bible Siar Ding: Rom 1:5-20

Zumnak cu ziang a si? Cumi cu Pathian ih sinak ciah a si. Zumnak cu Pathian ih Ttongkam a si. Cumi cu vanlam mit-hmai ttha peknak a luang vingvo ih kan sinak pumhlum nunter le zumnak ih nung kan silai hlanlo a cangvai reromi a si. Zumnak in kan cangvai ih zumnak thawngin sunlawinak ah cawiso kan si. Zumnak cu a sunglawimi theihnak pumpak in na sungih a nungmi, cahnak ihsin cahsinnak ah, sunlawinak in sunlawi sinnak ah, Pathian thawn na nun tlangnak ah Pathian cu Thlarau Thianghlim thawngin khua a ruat ih a ttong. Oh! Cumi cu a sunglawi in a maksak a si!

Pathian cun kan ken theizat le kan hmuh theizat hnakih tamsawn le tumsawn hmu le tuah thei ding in duhsak. Zumnak neih timi cu kan ruahsanmi kan ngah tengteng ding, ti zum le kan mit ih kan hmuh thei lomi a um rori a si ti zum khi a si (Hebru 11:1). Zumnak mit in a mawinak le a sunlawinak kan hmu thei. Pathian Ttongkam cu “kumkhua a hmun” (Saam 90:2), ih Zumnak cu hmuh theih in a um (Hebru 11:1).

Minu pakhat cu puanthan, kaihci, tthimte le pat pe awla hnipuan a suahpi thei ding. Ziangruangah? Ziangahtile tuah theinak ih hman dingmi thilri a nei si. Mipa pakhat kha thingpheng, hluah, sobul le tlawngkhen pe awla thingkuang pakhat a suahpi thei ding. Ziangruangah? Ziangahtile tuahnak ding thilri a nei si. Sikhalsehla, Pathian cu thilri zianghman um loin A Ttongkam in ziangtinkim a tuah thei. Nangmah cu a siat thei lomi Pathian Ttongkam ih hrinthar mi na si ruangah na sungah a hmun ring2 (1 Peter 1:23). Na sungih ummi cu a nung, ruahsannak a nei, nangmah hnakin a nasa sawn, ziang hmuahhmuah hnakin huham cakbik a si. Ziangahtile zumnak cu na sungah Khrih Jesuh sungih Pathian ih sersiam tharnak huham in hna a ttuan ruangah a si.

Curuangah zumnak ih raltthatnak thawn Pathian ih vanlam khawkhannak sungah kan lut thei, ziangahtile Pathian in, “Zumnak neitu hrang ahcun ziang hmuahhmuah a cang thei a si,” a ti (Mark 9:23). Pathian Ttongkam in zumnak sungih mangbangza colh-hahdamnak sungah a lo hruai ding. A nungmi zumnak in a sunglawimi huham le mizia a lo pe ding, vanlam thiltitheinak a lo pe ding, ziangahtile zumnak thawngin Pathian Ttongkam ruangah Khrih cu na nun ah a phuanglang aw ding.

Zumnak in Pathian ih siter a lo duhsakmi ah a lo tuah thei, A Thu na zum ih a khawkhannak sungih lut ding na man ahcun!

@ Smith Wigglesworth

(Visited 27 times, 1 visits today)

Comments

comments

Comments

%d bloggers like this: