Zumnak Cu Nehnak A Si

January 14
Zarhte Ni

Zumnak Cu Nehnak A Si

Ziangahtile Pathian fa a simi poh in khawvel kha an neh thei. Cule kan zumnak thawngin kannih cu khawvel nehtu kan si.
– 1 John 5:4

Bible Siar Ding: 1 John 5:4-15

Minaa pakhat thla ka camsak rerolai ah, mi pakhat a ttawltuknak ah a vun hmuah a sawng thluh, a derdaizet; a biangruh tla a ki ttheh, a tthiazang, a mit khal ttha te’n meng thei nawn lo le a hngawng khal a com thluh mipa a rak ra. Milai pianhmang cu a keng fangfang. A aw neihsun suah in diim te’n a simmi cu, “In bawm thei pei maw?” ti a si.

Ziang na cang? ti’n ka sut. A timi cu, ka pumpi khensa (cancer) hlon dingah operation (surgery) in tuah. Cuti ih ka pumpi in rai hnu in rawl zianghman ka ei thei nawn lo.

A simbetmi cu, “Tuihsun ah ka rilrawngtuk ah atii (juice) malte ka in, asinan a lut thei lo.” Diim te’n a simmi cu, “Ka pum ah ong a um. Hri ong (tube) pakhat in atii mallai an thun ih ka pumpi sungah a lut thei. Hiti dinhmun in thla thum sung ka tuar rero zo.

Nunnak ih a phenthlam te a nung rerolai na ti thei. Ka bawm thei pei maw? Zoh aw. Hih Cabu cun ziangkim tithei le nunnak ih muril a si. Na zum vekin Bawipa a cangvai ding. Bible cu Pathian Ttongkam a si. Ka bawm thei pei maw? “Hih Pathian Ttongkam ih thuneihnak huham thawngin tuihzaan rori ah zaanriah na ei thei saal ding,” ka ti.

Sikhalsehla cupa cun, “Ka ei thei lo ding” i ti. Cutikah, “Ka lo sim vekin tuah aw” ka ti ve. “Ziangti’n si cang thei ding?”in ti lala. “Cumi cu a caan in a simfiang ko ding, inn a va tlung awla zaanriah thawte va ei aw,” ka ti. Inn ah a tlung ih a nupi a va sim. An nu in a theithiam ve lo. “Na ei thei lo ding, na dang in rawl na dolh thei nawn lopi,” a rak ti.

Asinan a awsuak thei patawp in, “Pathian thusimtu Smith Wiggleworth in i timi a si” ti’n a sim. A ril a rawng ih rawl ei ding a hiar ciamco, “Ka ei ngiar hnik ding,” a ti. An nu cun zaanriah ei ding cu a zalh sak. A kaa sawp in a baar ih a vun dolh thluh thei. Cuti’n a rilrawngmi reh ko in khop te’n a ei thei. Cuticun an nu thawn thinnuam te’n an um thei. A thaizing cu a lungawituk, ziangahtile rawl ttha tein a ei thei cihcih ruangah. A pum ongmi cu a vun zoh tikah Pathian in a phihsak zo ti a hmu.

Ka hrangah teh a cang thei pei maw ti’n na sut duh men ding. A cang thei, na zum taktak ahcun. Pathian cangvaiter aw. Atu rori ah Pathain tham aw. Zumnak cu nehnak a si.

Pathian Thu (Bible) cu na ruh hrangah thlik a si. Derdainak phunkim le thihnak ihsin thawhsaalnak a si.

@ Smith Wigglesworth

(Visited 28 times, 1 visits today)

Comments

comments

Comments

%d bloggers like this: