Zum Tlakmi El Theinak

June 4

Tlawngkai Ninga

Zum Tlakmi El Theinak

Siar:

Saam 51:1-10

Milai zoh daan in ka zoh lo. Milai cun a lenglam thil nan zoh, Kei cun an thinlung ka zoh a si.    -1 Samuel 16:7

Kumkhat Sung Baibal:

2 San. 21-22

–   John 14

T

hil ttha lo tuah an puhmi ram uk awknaklam ih mi pakhat cu thuthangca pawl ih thusuhmi a let hngai tikah, “Cu pawl ka ciing nawn lo,” a ti. Cumi cu mipi ih zum tlakmi el theinak a si. Thu an sut tikah mah le mah humhim awknak ah cuih thu an ciingmang nawn lo thu mipi an theihter. Cutikah an thilsual tuah ruangah midang pakhatkhat in an ai ah mawh an phur.

Khristian pawl khal a caancaan ah zum tlak thu elnak kan tuah ttheu. Kan sual mawhnak thei lo vekin kan um awter ih midang kan mawhthluk. Sihmansehla Pathian cun thudik a thei. Pathian in, “Milai zoh daan in ka zoh lo. Milai cun a lenglam thil nan zoh, Kei cun an thinlung ka zoh a si,” (1Sam. 16:7) a ti.

Thinlung thiang kan neihmi siseh, mawh nei lo pawl sual puhtu thinlung sual kan neihmi siseh, Pathian in a thei. A lenglam lawng hmu theitu midang pawl kan bum thei nain Pathian cun thinlung sia le ttha an sinak vekin a hmu ttheh.

Curuangah Bawipa hnenah tangdor in sualnak phuan cu fimkhur a si. Thudik cohlan cu Pathian ih in duh sakmi a si (Saam 51:6). Sualnak ihsin luat in a siat ciami Pathian thawn kan pawlkom awknak tthatter saal dingah kan tuah dingmi thil pakhat te cu A hnenih sual phuannak a si (cc. 3-4).   – Bill Crowder

Ka duhdawtmi Bawipa, i zaangfah hram aw,

Ka sualnak in Na riah a lo siatter;

Ka tumtahnak cakter aw, Bawipa,

Tthat lonak fehsan thei dingin. – D. De Haan

Midang cu kan bum thei ding nain,

Pathian cun kan thinlung a thei.

(Visited 33 times, 1 visits today)

Comments

comments

Comments

%d bloggers like this: