Zum Phot Aw

February 9
Tlawngkai Nili

Zum Phot Aw

Zumnak neitu hrang ahcun ziang hmuahhmuah a cang thei a si.
– Mark 9:23

Bible Siar Ding: Mark 9:17-29

A hmin men zumtu pawl in Pathian Thu an zumfek lo ka hmuh tlukih ka thinnattertu zianghman a um lo. Thutthimnak bangah hih leitlun milai hmuahhmuah in Pathian Thu an zum lo a si hmanah Pathian Thu cu zianghman lamdannak a nei cuang lo ding; ih amah kel a si ringring ko ding. Pathian Thu cu na lamdangter thei lo. Pathian Thu cu “kumkhua in kumkhua tiang a hmun ringring a si” (Saam 90:2).

Veikhat cu rinnak thu ka sim rerolai ah mipi sungin mi pakhat in, “Ka zum thei lo” ti’n veithum rori i au hnawh. Ka thuthangtha sim cu cawl cuang loin daite’n ka pehzom, ziangahtile cuih au aw in zianghman ka nun in danglamter thei lo. Ziangtiklai caan khalah donak ttha tuah dingah ka timlaam aw cia ringring. Kan hnenih in pekmi kan zumnak cu kilkhawi ttha ringring ding kan si. Thuthangtha cu ka sim rero, ih cu pa cun “Ka zum thei lo” ti’n khawleng ih a suah zawng tiang a au phah bet lai.

Neta ah thuhla ka theihmi cu, pumkhawmnak hmun a suahsan ih khawleng a thlen le vete’n Thlarau in a hnenah hiti’n a sim: “Na zum lo ruangah ttong thei nawn loin na um ding.” Cumi cu Zakharias hnenah a rak ttongtu Thlarau thotho a si. “Hiti ih na zum lo ruangah ttong thei loin na um ding. Na hnenah ka thukammi a kimnak ni a thlen hlan lo kam khat te hman na ttong thei nawn lo ding” (Luka 1:20).

Hell ram a um thu ka zum. Zo pawl si hell ram ah a um ding? Zumlotu pawl! Anih pawl hin khawtlang hrangah zianghman tthathnemnak an nei lo. Pumkhawmnak hohatu pa hnenah, “Va feh awla hih an simmi thu hi a dik maw dik lo ti va hliakhlai aw,” ka ti. Cu mipa ih inn ahcun a va feh ih a hmaisabik amah a rak cibaitu cu “Ka zum thei lo” tiih a autu pa ih nupi a si. Anih in, “Na pasal in ‘Ka zum thei lo’ ti’n veithum rori a au ruangah atu hi a ttong thei nawn lo timi hi a dik maw?” ti’n a sut.

Cu minu cun a mitthli thawn, “Va feh awla va zoh aw,” a ti. Inn sungah a vung lut ih cumi pa cu a hmur tthia rero in a rak um. Cu mipa cun cahnah le cafung la tahrat in, “Zum theinak caan ttha ka nei. Asinan zum duh loin ka el. Curuangah atu ahcun ka zum thei nawn loih a ttong khal ka ttong thei nawn lo,” ti’n a ngan. Hih leitlunih sualnak maksakbik cu Pathian Thu zum lo hi a si. “Kannih cu dungah a siip ih a hloralta mi kan si lo. Rinnak nei in rundamnak a cotu sawn kan si” (Heb. 10:39), ziangahtile Pathian Thu cu a nungih thil a ti thei, a cangvai ringring.

Hell ram feh na duh asile na tuah dingmi cu Pathian Thu zum lo hi a si.

@ Smith Wigglesworth

(Visited 24 times, 1 visits today)

Comments

comments

Comments

%d bloggers like this: