Zuknung Ah Aung San Rak Tel Dah

Zuknung Aung SanGen. Aung San hi zuknung ah a rak tel dah ih cumi zuknung hmin cu Boycotter’ timi zuknung ah a si. Director cu U Bah Zin a si ih a suahtu cu British-Burma Company a si. An zuk caan cu 1937 kum ah a si ih Aung San cu Yangon University ih phunsang tlawngta a si laiah a si.

Cumi laiah cun General a rak si hrih lo ih phunsang tlawngta ihsin ramthu a rak ngaihsak lai hrawng a si. Zuknung ih thupibik mipa cawngtu cu Tin Swe a si ih misual cawngtu ah Hla Maung Gyi, nunau cawngtu ah May Ma Win a si. Himi ah Aung San lawng siloin U Nu, U Rajid, pawl khal an tel ih annih pawl cu a bawmtu ih rak tel ve an si.

Zuknung cu Yangon phunsang tlawngta lamzawhnak ihsin, Miphun tlang pawl tundin dingah ramthu, duhdawtnak thu pawl rawiaw in an zukmi a si. Gen. Aung San hi zuknunglam rak uartu a rak si ve ih a thluntu Tun Hla thawn ngamu (pia 50) man tonak, zuknung zung ih tonak hmaisabik ah zuknung an rak zoh dah thu khal cabu ah a rak ngan dah.

Comments

comments

Comments

%d bloggers like this: