Zu ihsin Runsuahnak

March 20
Tlawngkai Nihnih

Zu ihsin Runsuahnak

A dam lo mi pawl in a puan zimte tal tham thei dingin an dil ih a puan zim an thamtu hmuahhmuah cu an dam thluh.
– Matthai 14:36

Bible Siar Ding: Matthai 14:23:36

Stephen cu mi menmen a si ko, asinan vanlam thuam in a thuam aw. Amah cu rinnak le huham in a khat (Tirh. 6:8), ih khuaruahhar le mangbangza tampi a tuah. Aw, Thlarau ih khah nun hi! Sunglam nunthuk ih phuanlangnak, dinhmun pakhat in a dang dot khat ih thlengh awknak, zaangfahnak sungih tthanlennak, theihnak sungih tthansonak, le Thlarau huham ih tthannak cu a va mak ve! Himi dinhmun ahcun Khrih ih nunnak le thinlung in a lo tharthawh dingih A huham ih cat lo phuanlangnak a lo pe ding. Cumi cu hngetkhohzet ih dinfek theinak in pe theitu umsun a si.

Hih kan nunnak sungah, Bawipa in hmunkip ah a lo re dingih cun A huham a langter ding. New York ih thu ka sim ttheh in England ram Lusitana ah tinbaw thawn kan feh. Tinbaw sung ka thlen vet’n ka khan sungah ka lut. Mi pahnih an rak um ih pakhat in company kan tuah pei maw? a ti. A palang a suah ih khuat ah thle in a vun in ttheh in ka hrangah i thlet sak. “Kei ka tham dah lo sokhaw” ka ti. “Ziangti’n zu in loin na um thei?” ti’n i sut. “Ziangti’n maw zu thawn cu ka nung thei dingih” ti’n ka sut ve. A simmi cu, “Caan reipi zu sal ah ka taang, ka sunglam tla a siat thluh zo. Ka thi zik thlang. Zu sal ihsin runsuah ka duhzet nain ka in ringring thotho. Aw runsuah ding lawng ka ttul! Ka pa cu England ah a thi ih ro i roh tami cu thlaankhur laihnak ah ka hmang rero si hi!

A hnenah, “Bible siar awla, runsuah na si ding,” ti’n ka sim. “Ziang na tican?” ti’n i sut. Ka dinhmun in a lu parah ka kut ka suangih Jesuh hmin in thla ka cam ih a nunnak siatsuahtu zu thlarau sia cu ka dawi sak. “Ka luat zo, ka luat zo” ti’n a hung au ciamco. A whiskey zu palang pahnih a hlon. Pathian in a rundam, zu sal ihsin a luat zo, hallelujah!

Tipithuanthum kan feh sung hmuahhmuah rundamnak thuthangtha ka sim vingvo. Ka kiangte ah a to ih ka thusimmi ttha te’n a ngai. Hih hlanah rawl a ei thei lo nain atu ahcun rawl ttha te’n a ei thei saal zo.

Aw, Jesuh ih hmin! Mal takte lawng a huham kan hmang. Biakinn sungih nauhak pawl in, “Hosana” ti’n an au thei (Matt. 21:15 KJV). Kan nunnak in Amah a thangtthat deuhdeuh asile Pathian in nehnak au aw in pe ding. Jesuh ih tonghtham ding lawng hi na ttulbikmi umsun a si.

Na nunnak neitu Bawipa na hlat-hlaiter tikah runsuahnak a um ringring.

@ Smith Wigglesworth

(Visited 29 times, 1 visits today)

Comments

comments

Comments

%d bloggers like this: