Zothimtlak le Mipi Authawm

 

Chin mipi ih tuah mi Zothimtlak (Person of the year) hi 2003 ihsin rak pek thok a si. Chin Community, USA (CCUSA) le Lailun Foundation kom ih hmalaknak a siih 2011 ihsin Chin Media pawlin an telpi. Zohthimtlak laksawng Chin mipipawl ih kan tuah ruangah thiltha tuahnak le zohthlimtlak ngaingai ih cangvaihnak kan uar sinsin, a thatnak simcawk ding a si lo. Curuangah Zohthimtlak tawlreltupawl hi upat le lawm rero tlakzet an si.

Tuikum ih zohthimtlak lakawng hi America ram Battle Creek, MI ih Falam mi pawl tonkhawmnak (Chin Kumthar Khawmpi) ah lawmman peknak neih a si ding! Kum dang ahcun hrilawknak committee in relkhawmnak nei in an rak hril thei nan, nikum 2011 in mipi lam ih vote peknak thawn hril a rak si. Zohthimtlak, 2012 hrilawknak hrangah  Duhhril (Vote) cu July 25- August 24 (US Eastern caan) sungah vote ding a si thu website sungah le tlang cabawm pawlah tarlang felfel a si.

Tuikum zohthimtlak hrilnak cu a vei 9 nak ding a si! Zohthimtlak laksawng rak ngah hmaisabiktu cu Rev. Dr. S.Hre Kio asiih 2003 ah pek a rak si hngehnge. Mipi hrilnak thawn rak ngah hmaisabiktu cu Mai Cherry Zahau a si. Zothimtlak laksawng kan pekawknak thu hi Chin mipi le a tefasin pawl hrang tiang thuanthu ngan rero kan si. Tuikum 2012, ihsin a thawmvang a na sinsin. Vote peknak ni rei hman a tang nawnlo hnu ah mipilam ihsin thusuhnak le lungkimlonak auaw a tam zet ih, hihi hruaitupawl ih sambaunak ruangah maw mipipawl ih thu theithiamlonak ruangah a si timi ruahtlak a si.

Ruahtlakmi le thlir daan thenkhat pawl…

Zothimtlak (Person of the year) timi a hmin hi zohthimtlak ti si sawn loin “Sunlawihtlak” tiah thleng sawn sehla tikhalih duhtu an um. Cumi rualrualin, an fimthiamnak maw kan zohthim ding, an hnatuannak maw kan zohthim ding asilole an biaknak maw kan zohthim sawn ding timi tiang thusuhnak le ruahnak a suak. Curuangah, a hmin zohthimtlak timi a kengkawh thei ngaingai maw, a hlan ih rak hriltlinmi pawl hi an tling tawk ngaingai maw titiang khal mi a ruat ter bet.

Kum dangah ramleng suak sung lawng in hril theu a siih nikum ihsin mipi duhhrilnak thawn ramsunglam tiang zohthimtlak hrilnak kan nei ti a si ruangah zohthimtlak tampi a hlan ah kan rak pe ngahlo zo ti a fiang ngaingai. Cun, E-mail tham banlo pawl cun vote malte lawng an ngah dingih hril ding ah an hmin langlo mi tla tamzet an um ding a zum um.

Cun, khat lei ah Zothimtlak tawlreltupawl cun mipipawl buai celcel lo dingah a hnuailam vekin thuthannak le daan theihternak mipi hnenah a pekmi mipipawl cun an thlun ngaingai lo in a lang…

  • Hril ding (Nominate) mi pawl hi tlang cabawn sung le leng lam khalah miphun, hnam le Nunau/Mipa si ruangah Vote pek uh tivek thuthannak um hrim hrim lo ding a si. Zohthim tlakbik a sinak san lawng zoh in mahte ciar vote pek a si ding.
  • Online (Email) ih vote pek tikah nupa siar lo Email account pakhat in vote pakhat lawng pek ding. (Nupa email hmang tlang pawl cu vote hnih an pe thei).
  • Vote tambik ngahtu lak ihsin a tul asile Media group, LF le CCUSA tuanvo neitu pawlin an zohfel sal ding.

Kan thuthanawk hi a felfai tawk lo maw mipipawl hin kan theithiam duh lo ti khal ruahtlak thotho a si.

Tui nihnih khat ih kan buaipi bik sal mi cu kan vangcung fala Mawite thu a si. Mai Zung Cer Mawi vote pek daan dingah mipi pawl cun harsatnak malte an neih thu an tarlang. Mi zo khalin mah le biaknak kan nei cio. A biaknaklam ahcun kan hrang zohthim ding a tlak lo ahcun Falam hrang thansohnak a tuahmi pawl zohthimtlak ngaingai tamzet a um a si. Curuangah mipi hin a khaikhin daan te kan thiam a tul ngaingai.

Hivekih mipi aihalnak pawl hi a tawlreltupawl lamih sambaunak ruangah maw, mipipawl ih thleidan thiam lo ruangah ti khal ruahnak pakhat a si.

 

Comments

comments

25 Comments

  1. Vote ding bul tla ka thei lo. Rinsan tlak zet an si thluh.

  2. Dr.Than bil luai, Nothan kap,Sayiavan Kyi. hi mi pa thum sungin pa khat2 in an ngah lo le politice tuah, duh sak awk nak men ruangih ngah an si ding.
    Mi dang ziang an silo ka ti nak cu asilo an ropi thluh ko .

  3. Salai Ku Ku. says:

    Pu (Sayakyi) Van Kyi hi ngah tlak bik ah ka hril ve.

  4. Dr.Than Bil Luai lole sayakyi Van Kyi sisehla duh um bik in ka hmu. An ni hi hmaisa lam deu an siih an pek aw nak kum khal a rei ve thlang ruangah an bang zet pha ve ding, Mi dang cu an tlaktuk ko;asinan mi no deu le hmailam ruahsan ding um lai mi an siih tu hi an hram thoknak a si kan ti pei mw …… kn pa le ruah ahcun.
    An tuanbangnak vek in Upa deu kan pa le hi duhsaknak nei sehla ……
    an can an hmang tam deu ve hi…..

  5. Pu Sui Thawn hi Mi tha mifel mi duh dawt thiam zet si,,,,,,,,,

  6. Vote ding tlak ciamco ka hmu lo, Suithawm hnatuannak tla cu ka thei lo. No Than Kap khi a tawk bik ko.

    Mipi in vote dan thiam sehla.

  7. mipi in an cungcang kan theihnak a mal tuk ih pakhat fingfing in an rak tuahsuah zo mi pawl theih ternak nei hngai sehla cu a va tha sinsin awm ee.

  8. Dr. Than Bil Luai a awm bik, an ni san laiih Dr ngah cu cabu thing kuang te(box) tia tia an zir ih an siar ruangig Dr ngah ansi . tu lai Dr ve men men cu sum pai hmangin Dr ngah a awl tuk si. maw.
    Lai mi nun nak tam pi a hum him mi parah Pathian thlawsuah co vivo seh.

  9. Dr. Than Bil Luai hi Kan Milesa lak ah cun a tling bik ko in ka hmu.Kan Miphun khalin kan zoh tthim tlak bik Pa a si lo sawm. Fimthimnak le Kan Mipi hrang a ttuan dan zoh ah ngah tlak in ka hmu

  10. Ram le miphun lamah kan mit a vang deuhdeuh thlangih Ramthukhel lamih kan theih larzetmi le mitvangtertu le dam lai Pu No Than Kap hi vote ka pe e.

  11. Laimi Profet says:

    Kum 2013 hi Laimi,Chin miphun mipi caah kan kum tha thoknak a si ding i,asinan mah pumpak hlawknak menmen i rak kal mi hruaitu pawl (Pathian hnatuan tu pawl tla)ca ahcun,an kum siat thok kum a si ve ding.Ralring cia sela a tha ding.

  12. an zaten an hmat bang thluh hai sehla an pakhat ciarin sunloihnak an co/ngah fing2 ding saduh ka that nasa………,

  13. Tui tum cu Pu No Than Kap ih ngah ding ah a mawi bik,,

    kan miphun hmai feh ding ah lam hruai tu tha a si ding tin ka ruat..

  14. Kei cu Pu No Than kap hi tha ka ti
    2010 hril awk nak khal ah neh zet in mopi in kan hril mi a si ih
    kalay seh vel ih a hna tuan le a miphun duh dawt dan mipi tampi in kan rin san dan hin a mah lo cu 2012 ah cun pek ding ka hmu lo…tui hnu ah Dr Than Bil Luai pek leh ding.

  15. Tui tum cu nan hril thiam na sa an za ten an mah le ti thei
    tawk zawn ah an tha thluh ka ti,,si nan tui kum 2012
    ih zohthim tlak pek dingah cu Dr.No Than Kap a tha bik.

    kan hnam pa bik harsat nak tin kim ih kan miphun zahpi lo
    tu le a ti thei tawk ih,,kan calai le tawng than so nak ah
    tan la tu pa a si ih ka upat a si,,,Chin pum khat nak khal duh tu a si in ka hmu..

  16. An za ten zothim tlak le upat tlak an si thluh ko,
    Pakhat theihter ka duh ve mi cu ramthukhel naklam acak sin2 ahcun
    ZIRNAK, FIMTHIAMNAK le BIAKNAK lam khalah kan zalen FREEDOM dingih
    Kan fa pawl khal in RAM dang, BIAKnak dang an ngai (an tuul) nawn lo ding.
    Cun ruangah RAMTHUKHEL lu PU, NO THAN KAP hi ZOTHIM le UPAT tlak rore a si.
    Ziang ruangah kan lung a rual lo?
    Ziang rungah zirnak, fimnak lamah kan thangso lo?
    Ziang ruangah biaknak lamah kan zalen lo?
    kan ram ah zalennak le thangsohnak a um lo ruangah.
    Maw kan pathian zalen nak in pek hram.mifim mithiam in pek hram.
    Hruaitu tha le zirhtu tha in pek hram aw cu2 kan tuul mi a si! …….amen…….amen

  17. An zaten ka zoh ‘thimmi an si thluh, kan hmailam caan khal ah ‘Zoh ‘thim tlak’ timi kan hril lai vivo lai ding ka beisei ih tui ‘tum cu Pu No Than Kap kei cun ka hril.

  18. an zaten an tha deuh thaw…nan tui tum ih pek lo ding mi tla an um…
    tuitum hi cu kanram boruak zoh in RAMKHEL lam ih in hruai rero tu pu NO THAN KAP in ngah seh la ka ti…cun neta tum ah PU than bil luai ;e pu thang tin sum ah pakhat sang si seh la..nan duh cio koding ……

  19. Japan Thaihliak says:

    Falam sung le pengdang thawn khal buainak tuahtu le siatsuah dahtu, tubai ah thatnak malte tuah phahin kilkip ih buainak le thansonak tete tuah theutupa cu……..ka uar lo lawlaw. Politics mit in cu! Miphun mit in cu ka duhnak a um phah ko.
    A tlingtu tling dingin vote pakhat neihsun ka pe ve ding.

  20. hruai tu pawl nan thlang khawm thiam hai nasa..,
    a tlun ih nan hril mi pa cang hmuah hmuah khi pa cang tha an si thluh hai ko nan..,
    Dr. Than Bil Luai hi zai dam ten le thin sau ten dam lo a tuam hlawm theu nak, sumpai harsa mangbang pawl a zang fah thiam nak pawl khi zoh thim tlak le cawn tlak nun mawi tak a si vio in k thei, k vawt ee.
    mi nu 2 te tla kha ann ropi loo k ti nak si lo.., ziang vek an hawng si so dg ti sawn rak thlir hrih seh la….

  21. a Siang za ah za ka lo pawm pi Dr Than Bil Luai nih ngah hram seh. ka vote ve ee .

  22. kei tla Dr. Than Bil Luai khi a ngah tul in k thei.
    zoh thim tlak kan mi le sa k sunloih ngai2 ding a si ah cu tha ten ruat hnik uh… Chin Nun Mawi magazine ti pawl tla kha har sa tak in a tawl rel tu a si kha.cu lai ah Tahan Bazar ah kan falam tong hmang ngam an mal tuk,mi nih an zoh nau,an hmuh suam,an hnih san, tui hnu lawg ah si ngam tak ih kan rawn hman sal.A tuan nak ZATO rak din tu, nei tu pawl..,
    hnam dang lusei lak ah hokhaw hna atuan.., mi then khat hrang ah cu mai sumpai ngah nak ding zoh in mai tong, mai calai zah pi kher lo hman seh la au suah pi duh lem lo, ngam lem lo an tam ding hokhaw aw.buai nak tam pi a rak tuar phah kha. kan mah ih sunloih upat pek nak cang kan thiamlo in unau then khat pawl in lawn tum in, in cuh rero hi.a hmin dung ah “a” an rak bet thu hman ih ral tha tak in an thusuh nak sang ngam tu a si kha aw…… a mah rori ih ngah seh.., mi dang cuu neta ah si ko seh law.

  23. An zaten zohthimtlak upat tlak ka ti theh.. Hril ding ka thei lo..

    Thupakhat ka sut duh mi cu…

    A liam zo mi kum pawlih, an umdan, miphun hrangih an hnatuan dan pawl maw kan zoh ding?
    Tui kum 2012 sungih an um dan, kan miphun hrangih,an pekawknak an hnatuan dan maw kan zoh ding.?

  24. A dik , hruai tu le Bawi le Ho tu tim i cu ziang vek can khal ih mawh phur tu na si.

Comments

%d bloggers like this: