Zosi Thuneitubik?

June 21
Tlawngkai Nili

Zosi Thuneitubik?

Bible Siar Ding: Kolose 3:17-25

Pathian in Khrih ke hnuai ah ziangzongza a ret thluh ih ziang hmuahhmuah ih tlunah Bawi a si ti’n kawhhran ih lu ah Khrih cu a ret.
– Efesa 1:22

Kum tintein, minung thawng tampi in an bawi pawl (bosses) cu an ram sungih bawi pawl sung ihsin zosi bawi siavabik timi zuamnak sungah telh dingin nominate an tuah. Bawi siavabik tlinnak dingih thuhrampi pawl sungah, hlawh man pek niam, hnattuan harsami ttuanter, le hmaisongnak zianghman nei lo, tivek pawl tla an tel.

Cutivek ttihnung le rapthlak hnattuannak hmun pawl ih thuanthu hi khuaruahhar ciamco ding cu a si lemlo. Ziangruangahtile hih company boss pawl hi Christian an si lo. Khrih an theih lo ruangah thil ttha le mi zawnruahnak an nei lomi si.

Riahsiatza a simi cu, Christian Community- thlaraulam ih kan innsang a simi kawhhran sungah tla cuvek pawl thawn a bang awmi pakhat le pakhat pehtlaih awknak an um phahmi hi a si. Zohfel awknak um loin anmai’ thuneihnak an hmunter vingvo.

Tirhthlah Paul in hih khawvel daan cawng lo dingin in forhfial (Rom 12:2). Khrih, kan Bawipa cu kawhhran ih lu a si, ih kannih cu Amah thawn naizet ih pehtlai awtu kan si. Kolose 3:17 sungah, Paul in raalrinnak (remind) in pekmi cu, “Kan Pa Pathian cu Khrih sungin nan thangtthat ruangah, ziang hmuahhmuah nan tuah ah siseh, nan sim ah siseh, Bawipa Jesuh hmin in tuah uhla sim uh” ti a si.

Kan Bawipa [Adonai] cu kan innsang, kan kawhhran, le kan hnattuannak hmuntin ih thuneitubik si thlang seh! Nupi le pasal pehtlaih awknak, nulepa le fanau pawl pehtlaih awknak, boss le hnatuantu pehtlaih awknak a zate in Khrih thuneihnak tangah um thluh ding a si. Minung zoh nawn loin kan renmi kan Bawipa lawng zoh thlang uhsi!

Adonai, ziangkim ka simmi le ka tuahmi ah Na thuthluntu le Na hmin sunlawitertu si thei dingin i bawm hram.

Adonai Pathian cu thuneitu saangbik a si ti ziangtluk in ka thei ih
cumi in midang thawn ka pehtlaih awknak ah ziangtluk a danglamter?

@ Ava Pennington

(Visited 25 times, 1 visits today)

Comments

comments

Comments

%d bloggers like this: