Zohtu Mit pawl

June 28
Tlawngkai Nili

Zohtu Mit pawl

Bible Siar Ding: Seemtirnak 16:1-14

Bawipa cun vancung ihsin a run zoh ih, miphun hmuahhmuah a hmu.
– Saam 33:13

Science thiamnak in hminsintlak thiltitheinak le ahleice in thil umnak felzet ih langter theinak le vantlun ihsin leitlun ih thil ummi pawl zoh le hmuh fiang theinak in pek. Asinan Pathian cun satellites hmang ttul loin vancung ihsin leitlun ih thil ummi le cangmi pawl a run hmu ringring a si.

Sarai ih salnu Hagar in harsatnak dinhmun ih a din zia a hmu fiang aw. Fa a vun thei lo ruangah Sarai in a pasal cu a salnu Hagar thawn pawl-aw ding le nau nei dingin ruahnak a pek. Himi in tuni ah laklawhnak a suahpi mai thei, asinan cumi cu khuahlan Judah pawl ih tidaan kel a si ih Hagar in duhhrilnak zianghman a rak nei ve lo. Hagar in fa a pai tikah a dinhmun a hngilh ih a bawinu a hmuhsuam.

Sarai in Hagar le a fapa cu a hua. A tisiatnak ruangah a salnu Hagar cu ramcaar ah a tlan. Cuti’n a nungmi Pathian thawn an tong aw. Hagar in Pathian cu El Roi, “Keimah i hmutu Pathian” ti’n a ko. Abraham ih Pathian in Egypt mi a salnu le a dinhmun cu a hminsin sak. El Roi Pathian in amah cu a bawinu ih hnenah a kirter saal ih a zaangfahnak a coter. A fapa Ismael ihsin cithlah tampi karhzaiter dingin thu a kam.

Vei ziangzat harsat buainak kan tong, mi pakhatkhat in in hmu bang sehla ziangtluk in an mangbang ding? Kanmahte um vekin tuar hmanningla a poi lo, El Roi Pathian in in hmu ringring a si.

El Roi, khui hmun ih ka um khal ah in hmu ringring a si timi ciing ringirng dingin in bawm hram aw.

Tuni ah Bawipa in i hruai ih i hneem ringring timi ziangti’n ka thei ding?

@ Ava Pennington

(Visited 21 times, 1 visits today)

Comments

comments

Comments

%d bloggers like this: