Zohtthim Tlak Cangvaihnak

July 26

Zarhpi Ni

 

Zohtthim Tlak Cangvaihnak

 

Siar:

Filipi 2:12-18

 

Ziang nan tuah khal ah phunzai rero lo le el aw rero loin tuah uh. Cuti cun .. a famkimmi Pathian faate, mawh nei lo le mithiang ah nan cang ding.   – Filipi 2:14-15

 

Kumkhat Sung Baibal:

–   Saam 40-42

–   Tirhthlah 27:1-26

 

Tthaal sung ih ramtin lehpan zuam awknak ah tangka thaap ih lehnak le nawhthuh pek ih an buailai ah Cal Ripken Jr. le Tony Gwyn in an ziazia tthatnak ruangah lawmh an co. Ripken in, “Team tumpi kan si vekin kan duh tla le duh lo tla le zohtthimmi kan si. A thupimi pakhat cu a tthalam maw a sialam ah ti lawng hi a si ko” a ti.

 

Gwyn cun, “Baseball leknak lawng ah a si lo..ziangtinkim ah ttuanvo kan nei, thutthen catnak ttha kan nei ding, thil hi ziang vekin tuah ding a si timi kan hmuhter ding” a ti.

 

Nitin mi in in zoh ringring. Jesuh Khrih ih dungthluntu kan si vekin Paul ih sawmngiarnak in kan nun lam in hruai: Leitlun mi ttha lo le misual pawl lakih a ummi nannih hi a famkimmi Pathian faate, mawh nei lo le mithiang ah nan cang ding. Van ih arsi tleu bangin leilung mi lakah tleu uh” (Filipi 2:14-15).

 

Nuncan ziaza in ruahsannak a fingkhawi vekin cokpolh nun cun midang in kan parah hmuh sualnak a neihter. Jesuh ih nun cu kan nunnak sungin a luangsuak ruangah midang pawl thazaang pekin Jesuh kan khihhmuh thei ding.

 

In zoh ringringtu pawl hrangah ziang bangtuk zohtthim ding nun kan langter pei?

 

Runtu hrangah na nunnak kil ttha aw,

Na tuahmi hmuahhmuah mi tampi in an lo zoh ringring;

Curuangah na bah ih sual khur thuk sung na tlak ahcun,

Thlarau hlo pawl hruai a har sinsin ding.

 

A tthabik zohtthim mi pawl cun Khrih an zohtthim.

(Visited 18 times, 1 visits today)

Comments

comments

Comments

%d bloggers like this: