Zohthimtlak Hringtu Nu

Ngun Hlei Sum

A PASAL SUNGKUA LEH DOCTOR PAWL IN AN BEIDAWNG PI HNU MI PI TLING IH SUAH TU, ZOHTHIMTLAK HRING TU NU

Central China, Hunbei province ,Wuhan ih um a hmin Zou Hangyun cun a fa neih sun hrang a theih nak hmuahhmuah hmang in a enkawl seilian ih, mi ih hmuhsuam nak hmuah hmuah tuar in mi pangai tak leh mi hlawh thing tak ih a tuah thu THE STAR ONLINE cun a rel.

Kum 1988 Khan a fapa, Ding Ding cu lei khaw eng hmu in a rung suak ih van duai thlak tak mei in a taksa ah zeng nat nak cun hmun a rak khuar ih, cumicun a theih nak leh a cangvaih nak lam ah mi bang lo in a suah ter ih, a pa leh Hubei Doctor pawl can a nu Zou cu ziang tik hman ah a tha nawn lo kei ih beisei ding khal ziang hman a um nawn lo thu mi piang sual a si zo thu cu an sim ring ring theu.

Hmanseh, a hring tu Nu Zou cun, ziangkhal ra thlengseh, a tawp tiang Ka thlen pi ding, cu cu Nu ka si nak vek in ka ti ding hrim hrim a si a ti. A pasal khal in ziangdang rello in Kan then aw ding a ti hngal mei ih cu ti in an then aw.

Ti cun, Zou khal cun an fapa hi vek a si ruang ih thenawk duh tu pasal cu ziangvek pa saw na si tiin a fapa cu hruai in an fehsan hngal ve .

Cuticun, Zou cun a fapa ah cun a ruahsan nak hmuah hmuah a thum thluh ih, a sungkua pawl ih ruah san nak um nawn lo a fapa Ding Ding cu rinnak in lei tlun a pal pi a tul thlang ta.

A kut leh a theih nak a neih sal thei nak ding ah lam zin dangdang in a zirh (train) ih, cutin a fapa cu nuam ten hmai lam a kar vivo ih a tha deuh vivo.

Anu Zou cun a fapa hrang hna a tuan rero nak company lawng cu duhtawk lo in protocol trainer leh selling insurance ah part-time in hna a tuan.

Tu ah cun a fapa Ding Ding cu Peking university ah Pathian zangfah nak in Environmental science and Engineering ah kum 2015 Khan Bachelor Degree a theh ih, cutin US Ivy League Harvard University ah master a zir in a thang lian rero lai.

“Midang pawl cun Nu tha leh fel an nei ih, kei ka Nu cu Ka thinlung leh ka thlarau in kilkhawi tu leh Kai hruai tu a si,leitlun ah Ka nu vek hi cu an um nawn zik lo! Ka nu, leitlun ah Na ro pi bik e!” tiin lungawi thu a sim.

(Visited 30 times, 1 visits today)

Comments

comments

Comments

%d bloggers like this: