Zohman In An Ciingkeng Lo

June 22

Tlawngkai Nihnih

Zohman In An Ciingkeng Lo

siar:

Thusimtu 9: 13-18

Cuih khua sungah mifarah asinan mifimzet pakhat a um; cupa lawngin a fimnak thawn cuih khua cu a humsuak thei ding nain zohman in cupa cu an ciing lo.    – Thusimtu 9:15

Kumkhat Sung Baibal:

–   Esther 6-8

–   Tirhthlah6

Thusimtu 9:15 simfiangnak sungah Martin Luther in Athens raalkap pawl hruaitu Themistocles ih thu hiti’n a sim: A raaldo daan le raalnor daan tawlrel thiamnak in Salamis ih raaldo awknak a neh ih Greek ram ihsin Persian raalkap pawl dawi hngai in a khua Athens cu a ruunsuak. Cuih hnu kum rei lo ah a ram mi pawl in an duh nawn lo ih Athens ihsin an dawisuak. Themistocles in a khua hrangah thil ttha tampi a tuah nain a khawpi pawl hnen ihsin lungawinak a co lo.

Thufim in hiti’n a sim: Mifarah le mitangdorzet pa in a fimnak thawn a tuahmi thil ttha cu mipi in zamrang te’n an hngilh. Asinan a poi lo. “Fimnak cu cahnak hnakin a ttha sawn” (c.16). Mi in hngilh hngai hmansehla daite ih um thinlung ding mi si cu thil ttha tampi siatsuahtu (c.18) a aukio reromi thangtthat co mi-aa si hnakin a ttha sawn.

Curuangah a cemnetnak ih a thupimi cu kan hnattuanmi parah mi ih theih le  lawmnak co hi a sibik lo, an nunnak sungah dingfelnak thlaici kan tuh ngahmi minung pawl ih thlarau sawn khi a si. Phundang in kan sim asile, “Jesuh cu Pathian ih fimnak thuhman a sizia cu a pomtu pawl in an langter,” (Luka 7:35). Pathian ih fimnak (Jesuh) thawn zo ih thinlung na neh? – David Roper

Nangmah thawn naizet ih feh dingin i bawm aw Bawipa,

I theithiamtu pawl in fiangte’n an hmuh theinak dingah;

Ka thlacam vekin Pathianmi bang dingin ka nungcang,

Jesuh cu nikhat hnu nikhat a taktak a bang vivo. – Ryberg

Mifim cun a leitlun tumtahnak pawl hi

Vancung  ih hlawknak hrangah a tuah.

Comments

comments

Comments

%d bloggers like this: