Zohfeltui’ awkam…

Zohfeltui’ awkam…

Chin Today thuthangca cu Mizoram ih  Aizawl khawpi khalah zuar thei dingin timtuahnak a um thlang. Chin ram kan suahsan hi ‘kan ram kan duhdawt lo ruangah’ a si lo. Kan ram kan tuah that sal theinak dingah hmuntin ihsin thansonak kan hawl sawn. Cun, hmuntin ihsin Chin ram suak u le nau kan zapi’n forhfial awknak, thuhla hlawm awknak le san mannak ding thuthar sim awknak dingah hih thuthangca hi hman kan tum cio pei.

CT siartu hnen ihsin thu suhnak le ruahnak tampi kan ngahmi cu ‘aman’ thuhla a si. USA ahcun US$ 2.00 in kan zuar ih, Australia ah A$ 2.00 in kan zuar. India ram ahcun Rs 10 a si ih, ram dang khalah 2 unit currency ciar in zuar a si tlangpi. Malaysia ahcun ram dang thawn tahthim in cahnah man a khung tuk lo ruangah RM 1.00 in zuar a si.

CT hin amah bulpak in zarhtin thuthangca suahnak dingah printing press a nei lo ih, Chin pawl kan umnak ram kip ah internet thawn pehtlaih aw in, kanmai’ umnak ram ciar ah copy tuah vivo a si. Kan umnak ih zirin a tuahnak man khal a danglam vivo ruangah CT man hi hmun pakhat le pakhat a bang aw lo ding. CT zarhtin thuthang in leisak ih, Chin ram mi harsa pawl bomnak ih in telpi ruangah kan lung a awi.

(Visited 32 times, 1 visits today)

Comments

comments

Comments

%d bloggers like this: