Zohṭhimtlak Salai Cung Chin Thang: GCO Hrang $1000 Hlu

‘Khua le ram hrangah micun an mah roriin an ṭuan. An titheinak zaten an suah. Kan niih rak ti theimi cu laihlum le a ṭuantu pawl ih tuahmi thawn cun tah ṭhimtlak a silo’ Salai Thang

Salai Cung Chin Thang cun khua le ram hrang hmalaknak nei rerotu Global Chin (Falam) Organisation hnenah $1000 a hlu. Hi tiih a hlunak thu ah ‘Khua le ram hrangah micun an mah roriin an ṭuan. An titheinak zaten an suah. Kan niih rak ti theimi cu laihlum le a ṭuantu pawl ih tuahmi thawn cun tah ṭhimtlak a silo’ tiin Chinland Today Media hnenah a sim.

Salai Cung Chin Thang hi EX. MP Pu Nah Thang (late) ih fapa a si. Tu fang hi United Nation hnuai ah hnaṭuan thupi zet kaiin a um. Myanmar ram ihsin B.Sc. Forestry a ṭheh ih, Bangkok ah M.Sc. a zir suak. Cutin tufangte hi Department of Peace Keeping Operation ah hna thupi zet a kai. USA, New York khawpi ah a innsang nu Saw Saw Thwe thawn an um.

Hivek mai phun le hnam ṭhansohnak ding hrang ih a sum le saw a hlan mihi mino tamzet ih kan zohṭhimtlak zet a si.

‘Global Chin (Falam) Organisation a dinsuah hi ka lungawi zet. Kan Falam mi pawl in funkhawmtu pawlkom tumzet a si theinak ding hrang khal ka duh. Kan hnufual zikte lam nan hi tihi kan dinsuak theimi hi ka lungawi zet’ titla in Salai Thang cun a sim.

GCO a dinsuah ni ah mi 36 pawl in tiamkamnak thawn sumburnak khal rak neiih, cutin Chin ramkulh ṭhansohnak ding hrang hmalaknak khal an nei thok rero zo.#

Comments

comments

Comments

%d bloggers like this: