Zohṭhimtlak Chin Fala 5 Pawl

1057656_10201448961685027_796891624_nMipa cathiam saang hrang hmanah thuthang ngan cu thil harsazet asi lai ah Chin fala 5 pawl cun catbangloin Chinland Today facebook group ah thuthang a phunphun an ngan thei ringring hi cu, Chin fala lakah zohṭhim le cawntlak rori an si in ka hmu. An thuthang nganmi pawl tla cu a tlangpithu in, siar nuam le siar tengteng ṭuul ding pawl tla an si ṭheu.

Ka theihnak adik asile, thuthang ngan dingah fialtu le nawrtu ciamco an neilo nan Chinland Today  facebook ah thuthang post tam thei sehla tiih thuduhsam kan rel ihsin tuini tiang catbangloin thuthang nitin deuh thaw in an ngan thei ringring. Curuangah Jenny Par, Mercy Tial, Mygirl Sgp, Maremte Lay, Fibi Mate pawl cun Chinland Today thuken, “Keeping Our People Informed”, “Cat bangloin Kan Mipi Theihter” timi an kimtir taktak a si.

Chin nunau fala pawlin thuthang an ngan ciamco ti ka thei dahlo! Curuangah kan Chinmi leitlun ahcun hminsintlak le cawntlak rorin an cangvai asi. Thuthang lehlin khal a harsa ih Chin thuthang ngan tla cu thil harsa ngaingai asi. Cuvek karlakah Chin tlangval rualpawl hrang hmanih tuah harsa timi pahtlang ngamin, an caan, fimthiamnak mipi hrangah hmangin nitin thuthang an ngan thei hi ṭhangthar mino pawl hrang challenge ngaingai asi. Kan mino pi, fala pawlin hitluk an cangvaih thei ahcun mino dang teh in ziangmi thil thupi kan tuah ve thei ding timi suhawktlak a si.

Hivekin, kan Chin fala pawl an pum, an pe aw thei vivo asi ahcun arei hlanah Chin fala journalist hnaṭuan tiang, tampi kan nei lai ding.  Kan Chin falapawl, nan thiltitheinak langterin leitlun miphun dang pawl hnen tiang nan lang thei ding ni le caan ka va hngakhlap so!

Comments

comments

Comments

%d bloggers like this: