Zohṭha Zetzet Zuknungthar Pahnih

1. “Man of Steel” Hmeltheihnak Tlangzarh
If the cape fits … Henry Cavill as Superman in Man of Steel.

Hi Man of Steel zuknung hi atu netabik a suakmi Superman zungnung,  movie, asi. Hi Superman zuknungthar hi hmaikum sungah zuardarh ding a si. Director a ṭuantu cu Zack Snyder a si. Himi Superman zuknungthar a suah hlanah Rome santhuanthu 300 le The Watchmen zuknung pawl hi a suah zo.

Director Snyder bawmtu cu Man of Steel producer Christopher Nolan a siih, anih khal hi ahlan Batman zuknung Dark Knight ah hmingthang zetmi a si ve. Zuknung ih lemcangtubik cu British lemcangthiam Henry Cavil a si dingih, zuknung star Kevin Coster, Russell Crowe, Michael Shannon le Amy Adams pawl khal an tel ding. A zuknung pumhlum cu UK ah an onsuah dingih, a ni cu hmaikum June 14, 2012 ni ah a si ding. Atu ih an suahmi hi cu a zuknung hmeltheihterak tawite tlangzarhnak ih an suahmi a si.

2. “The Impossible” Tsunami Zuknung Los Angeles Ah Tlangzarh

 NAOMI WATTS and TOM HOLLAND star in THE IMPOSSIBLE

Hi The Impossible zuknung hi 2004 kum ih South East Asia ah Tsunami a tho laifang ih innsungsang pakhat tei thinphang um zet le zangfah um zet thuanthu a taktak an hmuhsalnak zuknung a si. Hi zuknung hi kan dung Tlawngkai Nikhatni, 10.12.12, zaan ah US ram Los Angeles khawpi ah tlangzarh a si zo.

2004 kum Dec 26 ni ah Spain ram ihsin innsungsang pakhat cu X’mas holiday pawl hmang dingah Asia ram ah an ra ih vansiat thlak zetin minung 200,000 thitertu tsunami pi tho caan thawn a deng aw ih, cucu zuknung in a zuksal. Hi zuknung sungah British innsang vekin an zuksal. Thuanthu ngantu cu Maria Belon a siih, lemcangtubik cu Australia mi lemcangthiam Naomi Watts a si.

Director Ewan Mc Gregor in himi thilcang ngaingai zuknung ih cansuah tersal hi hi olai a si loih a manhla ngaingaimi a si tiin a sim. Cun hi zuknung ih a telvetu Scottish lemcangthiam, kum 41 mi khalin, “Kanmah khal cumi tsunami ni ah tsunami siatsuahnak hmunah kan um ve vekin kan theiaw.

A ngaingai ih an camsungnak hotel vek cekci cu tuah in cutawk ah kan um ve. Thai ram ih tsunami a tongtu pawl vek kan cawngih, kan umnak hotel lem khal cu tsunami ih a ti siat ve. Cumi kan zuk ṭumah Thai mipi tampi cu kan kiangkap ah an khat ringring,” ti’n a sim ve.

Hnipuan hruk sinfendan pawl khal amah a ngaingai vekin an tuah, cucu a tong ngaingaitu Petra Nemcova in zuknung hrangah ṭuanvo a lakvemi a si. Hi ‘The Impossible’ zungnung hi UK khalah hmaikum Jan 2,2013 ni ah tlangzarhbet ding a si.

(Visited 41 times, 1 visits today)

Comments

comments

Comments

%d bloggers like this: