Zo na rian ding

Zo Na Rinsan Ding?

Siar:

Filipi 3:1-11

Pathian zaangfahnak zarah zumnak in rundam nan si.
Hih rundamnak cu nan ttuannak ruangih nan ngahmi a si lo,
Pathian ih laksawng a si. – Efesa 2:8

Kumkhat Sung Baibal:

–  Ezekiel 40-42

Thufim 16:1-11

Ayn Rand timi 1982 kum ah a thi zotu American thuruat thiam (philosopher) nu cu a nganmi cabu pawl siartu le a cazirhmi ngaitu dungthluntu tawkfang a nei. A simmi cu, “Atu ahcun mahte zalen duhzettu hmel ka hmu, leitlun hmunkip ah a duhnak ka thlun, milai kan si veten kan duhmi cuih pathian fate cun lungawinak, hnangamnak le mahte porh awknak in tuahter. Cuih pathian fate hmin cu Keimah timi a si” a ti. Cumi nu cu, “Pathian na zum maw?” tiih an suh tikah, “Keimah hi ka pathian ka si” a ti.

Paul in a simmi thu cu cumi thawn a raalkahmi (opposite) thu a si. Mahte rinsan awk luartuknak thu a simnak ah, “Thilung in Pathian kan biak, Khrih Jesuh ah kan lung a awi, kan tisa minung parah kan tthum aw lo” a ti (Filipi 3:3). Milai ih a ra cangmi Pathian, duhdawtnak le zaangfahnak ih khatmi Pathian dik, Jesuh Khrih parah a zumnak a tthum.

Efesa cakuat sungah, “Zaangfahnak ruangah zumnak in rundam nan si. Hih rundamnak cu nan ttuannak ruangih nan ngahmi a si lo. Pathian ih laksawng a si” (Efesa 2:8) a ti.

Mahte rinsan awknak, “keimah hi ka pathian ka si” timi hi kan ruahnak a si ve maw? Kumkhua mah le mah siatsuah awknak a si. A nunnak liam in kanmah rundam dingih a pe awtu Jesuh Khrih kan pom ve maw?

Zaangfahnak in rundam ka si, Haleluijah!

Pathian cu thantt`hat in um seh, zumnak in a famkim zo;

Kei cu zianghman ka si lo nain, zumnak in

A fapa ih tuah ttheh zomi sungah.

Kannih cu Jesuh Khrih ih tuah ttheh zomi rinsannak in

rundam kan sizo, kan tuahnak in a si lo.

(Visited 33 times, 1 visits today)

Comments

comments

Comments

%d bloggers like this: