Zo Na Duh Sawn?

December 7

Tlawngkai Ninga

 

Zo Na Duh Sawn?

                                                           

Bible Siar Ding: Matthai 10:32-39

 

Zokhal sisehla, Keimah hnakin a nu le a pa a duh sawntu cu i thluntu dingah a tlak lo. Keimah hnakin a fanu siseh, a fapa siseh, a duh sawntu cu i thluntu dingah a tlak lo.

–  Matthai 10:37

 

A tlangpi thu in ruahnak kan pek awk ttheumi cu pasal ttha asilole nupi ttha, pa ttha asilole nu ttha si thei ding cun ziang dang hnakin thupibik ih na ret le co-u (priority) na pekbikmi cu na innsungsang a si ttul ti hi a si. Himi hi thil dikzet cu a bang …. asinan a palhmi ruahnak peknak a si.

Mi tthabik kan si theinak ding lamzin umsun cu kan nunnak ah Pathian hi a saangbik le a tthabik hmun ih kan ret tik lawngah a si thei ding. A tthabik hmun (best place) ti cu a pakhatnak (first place) ah ret ringring tican a si. Abraham in hih thutak hi a zir ngah. Seem. 22 sungah, a fapa sawn maw Pathian sawn tiih hril ding a neih lai ih a thuhrisahcatnak ahkhan kan hmu thei. Abraham in ziang hmuahhmuah hnakin Pathian sawn duhbik ding le a thuthlun dingih a hril sawn tikah a fapa khal a ngah cih thotho a si kha!

Pathian kan duhbik le hmaisabik asile pasal ttha le nupi ttha kan si thei dingih pa ttha le nu ttha, le unau ttha khal kan si thei cih thluh ding a si. A tunglam (vertical) Pathian thawn kan pehtlaih awknak a dik asile a pheilam (horizontal) minungpi thawn pehtlaih awknak khal a buk awton cih ding.

Biaktlak Pathian cun tlintlaknak neimi biatu a neih a ttul. Pathian bia dingih tlinnak a neitu pawl cu – mah le mah duhdawtnak tel in – Pathian hnakih duh sawn mi zianghman nei lotu pawl lawng an si.

 

Biaktlak Pathian, Nangmah hnakih duh sawnmi nei lotu ka si thei ringringnak dingah in bawm hram aw.

Ka nunnak ah zo si a mankhungbik miangmo ih ka ret?

 

@Ava Pennington

(Visited 35 times, 1 visits today)

Comments

comments

Comments

%d bloggers like this: