Zo in Thangtthatnak A Co?

January 27

Zarhpi Ni

 

Zo in Thangtthatnak A Co?

 

Bible Siar Ding: 1 Peter 5:1-7

 

Nan zate in tangdornak thawn thuam aw uhla pakhat le pakhat bawm aw uh. Ziangahtile Ca Thianghlim in, “Mihngal pawl cu Pathian in a dodal ih tangdor mi cu mithmai ttha a pek a si” a ti.   

 -1 Peter 5:5

 

Academy Awards peknak puai khi tikcu caan ruahman cia hnakin a rei deuh ringring, ziangahtile a Academy ngahtu pawl ih thusim a sautuk ttheu ruangah a si. An thusimnak ah an KG saya ihsin an thok ih mikip hnenah an hmin saal in lungawithu a cipciar in an sim ciamco. Tangdornak taktak cu hiti vekih mi tamzet hmin rel ciamco hnakin, ka hlawhtlinnak hi keimah teih thiltitheinak a si lo, ti mai ding a si ko.

Porh-awknak in kan hlawhtlinnak ah kanmah thangtthatnak a coter. Tangdornak cun Pathian cu hih thilti suahmi ah cahnak le thiltitheinak in petu a si ti a thei. Amah in kan nunnak sungah mi tampi – kan innsang, innhnen, hnattuanpi, zirhtu saya pawl, rualpi pawl – tuni kan dinhmun le kan sinak in neihtertu pawl in ret sak. Pathian in a ttha siseh, a sia siseh kan mizia remnak dingah le a tumtahmi tuahnak hrangah a hmang a si.

Tangdornak in kan nunnak ah kanmai’ zawn lawng ruahnak hnakin midang pawl thupiter sawnnak thinlung in neihter. Leilungpi cun cumi cu olte ih thiltitheimi ti’n a ko. Pathian cun a duh daan ih thil kan tuah tikah kan hrangih tthabik le Amai’ hmin sunlawinak ah hmintthatnak in pe ding a si.

 

Bawipa, Nangmah le midang pawl ih co dingmi thangtthatnak keimah in ka co pang ttheu. Na tumtahmi kimter dingah thiltitheinak le bawmtu in pekmi pawl parih lungawinak langter thiamtu si dingin in bawm aw.

 

Ka hmuitinmi ngah thei dingin zo pawl in in bawm?

Tuni ah cumi pawl hnenah ka lungawinak thu cu telephone, card le email tivek in ziangti’n ka langter thei pei?

@Ava Pennington

(Visited 44 times, 1 visits today)

Comments

comments

Comments

%d bloggers like this: