Tuar Tulmi Ni pawl

 

 

June 6 

Zarhte Ni

 

 

Siar:

2Tim.2:1-4

 

Khrih Jesuh ih rinsantlak raalkap na si bangtuk in tuar ding na covo cu tuar ve aw.   – 2Tim.2:3

 

Kumkhat Sung Baibal:

   2Sansiarnak 25-27

   Johan 16

 

Band of Brothers timi TV thuanthu cawn sungah 101 nak Airborne raalkap vanzam cu Europe ram Germany-Nazi kuttang ihsin luat dingih raaldonak ah raalkap pawl thlaknak ding  hmun tlun ah a her aw rero. Actor Lt. Richard Winter cu parachut thawn a dawp tikah pukpi kahnak le cet meithal pawl in an kahnak cerek  pawl cu an zam nasa.

 

Zaan a thlen tikah, “Tuni nikhat sung Pathian lamhruainak parah lungawithu ka sim. Inn ah himdam te’n ka tlung thei asile hmun daihrial ah hmuan duum ka lei dingih daizirziar in kan nunnak a taanglaimi cu ka liamter ding” ti’n a hmaisabik ni ih a hmuhtonmi pawl sim saalnak a nei.

 

Satan in hram a rak thawh tami Pathian dodaalnak sungah tuni zumtu pawl cu kharhkhum in kan um a si ti’n Bible in in sim. Curuangah Jesuh Khrih raalkap ttha bangin retheih zonzaihnak tuar theitu si dingin kannih tla sawm-ngair kan si.

 

Paul ih sanlai ah Rom raalbawi pawl cu Siangpahrang hrangah sal ttuan in harsat zonzaihnak an tuar. Jesuh Khrih ih dungthluntu a si mi kannih pawl cun siangpahrang ih Siangpahrang sin Bawipa Pathian hrangah cuti ih harsat zonzaih tuar dingin ap mi kan si.

 

Vancungram ahcun harsat zonzaihnak tuar ti a um nawn lo dingih rundamtu Jesuh thawn kumkhua thlangam daihnak sungah kan um ding a si. Malte sung cu tuar ttentto kan ttul hrih a si.

 

Hmuhtonmi harsatnak tuar thei lo ih kan ruah awklai ah,

Na kiangnai ah Bawipa in a lo umpi ih;

Vanram ah a lo hruai tiang tuar thei dingin,

Bible ih raalrinnak in pekmi hi lungawiza a si.

 

Thinsau ih a tuar theitu cun nehnak cu a ngah tengteng ding.

(Visited 21 times, 1 visits today)

Comments

comments

Comments

%d bloggers like this: