Zirmi malte

Zirmi malte

Mai ram te ah  hnangamten kan um thei lo nan…

Mi khua le ram ahcun a roh deuhdeuh…

DBCF kawhhran upa pakhat ih sermon mi ka lung a tongtuk…

“Pathian hnenah Refugee (duk-khah-te) kan sioh ih kan siohnak vek ciah in in pek”

A diktuk in ka thei.

India (Delhi) ih RG sioh pawl thu malte ka tarlang duh…

Mi hmuhsuam le nautat kan tong.

Sal vekin Vai pawl ih kuttang ah hna kan tuan (mi hrekkhat tla cu hlawhman tla an ngah lo)

Vai pawl ih inn… fiakte kan sang ih cumi sungah harzet in ben aw thluh ih a cuih room fiakte cu ..sun ah milengkhaan le rawl einak kan hmang ih zaan ah ihnak ah kan hmang. Kan umnak tla cu innsaang pakhat ah mipum 13 kan khawsa.

Inntek siava pawl tla cu inn saan man thlacem hlan ah an dil ih pek thei lo tikah saangka tawh an hren sak men… zaangfahnak zianghman um lo bak si ko.

Asinan Vai innteek tha pawl cu kan tluk lo lala.

… kan rel peh vivo asile… duk-khah-te ngaingai kan si.

Mai ram te ah hnangamten kan um thei lo nan…Mi khua le ram ah le a roh deuhdeuh…

Keimai’ hmuh daan asile … mi thu cawng ih cawngkolh.. timi pupa tongfim hi kan Laimi ih dinhmun bik si ko.

Atu ihsin Duk-Khah-Te kan sioh nawn lo pei.

Pa Pathian hnenah Duk-Khah-Te pawl bawmtu si dingin kan nun kan hlan aw sawn pei…

Duhsaknak tumpi thawn…

Salai Star

(Thang Kolh)

Fimzirnak India.

Comments

comments

Comments

%d bloggers like this: