Zirh Vekin Thlun Aw

September 7

Tlawngkai Nihnih 

Zirh Vekin Thlun Aw  

Siar:

Matthai 7:24-29 

Curuangah hih ka ttongmi a thei ih a thluntu cu lungpi parih inn saktu mifimpa bangtuk a si.    – Matthai 7:24 

Kumkhat Sung Baibal:

–   Thufim 1-2

–   1 Korin. 16 

Ka nauhaklai ih ka vuatana pakhat cu zohtthim dingmi vanzamleng lem tete tuah khi a si. Cuih thil ka lei ih ka phorh tinte’n ka hmuh hmaisabikmi cu a tuah ding daan zirhnak ca asinan cuih zirhnak cu thlun ka ttul lo tiah ka ruat ttheu. A mawngtu kha a tonak ding khaan ah ret ngah lo tivek in thil thupi ka tthelh ti ka theih suak tiang zirhnak thlun duh loin keimahte ka tuah ttheu.    

Cuvek in kan nunnak khal ah thil kan buaiter ttheh, ti kan theih suak tiang zirnak kan ttul lo tiah ruah a olte. Curuangah Jesuh in a thu zirhmi thlun cu mifim pawl hrangah a himmi, a hngetkhohmi le a danglammi nunnak neihnak ding lamzin a si tiah ruahnak a pek.     

A thu zirhmi ngaitu mipi kha; an biang khatlam tun bet ding, peng khat a hlei ih feh bet ding, mai’ raal ih sualnak ngaithiam ding, neihsiah thilri zuar in mifarah pek ding tivek pawl a sim hngai (Matthai 5:39-44). Hmanseh zirhmi theih men cu a tthahnem lo, thlun ding a thupi. “Curuangah hih Ka ttongmi a thei ih a thluntu cu lungpi parih inn saktu mifimpa bangtuk a si,” (Matthai 7:24) a ti.           

Jesuh ih sim vekin zirhnak thlun lotu pawl cu mi-aa an si (Matthai 7:26). Leilung hrang ahcun raal ngaithiam le farah bom cu khuaruahnak nei lo nun a bang nain Jesuh hnen ihsin zirmi cu fimnak a si.   – Joe Stowell 

Bawipa, Na thu ngai dingin i bawm aw,

Na thupek ka theihmi le ka siarmi pawl;

Nitinte Na duhnak phuan langmi,

Thlun ding le ngai dingin i bawm aw.  – Anon 

A hngetkhohmi lungto parah nunnak sak dingin

Jesuh ih zirhmi thlun aw.

 

(Visited 17 times, 1 visits today)

Comments

comments

Comments

%d bloggers like this: