Zin Peeng

February 15

Nipi Ni

 

Zin Peeng

 

Siar:

Hebru 2:1-9

 

Zin peeng zawh ih kan pial lonak dingah kan theih ciami thudik cu hnget sinsin in kan pom ding a ttul a si. –Hebru 2:1

 

Kumkhat Sung Baibal:

          Puithiam 17-18

          Matthai 27:27-50

 Kum 1923 lai ih aw suak lo zuknung Our Hospitality an zuklai ah hnih suahsai thiam le cunba thiamzet Buster Keaton cu tlaser pi kiangah ttihnungza thil thar a rak tuah. Tla lo dingin hold-back timi ti sung ih fehmi thirhri in an khih.

 A zuk rerolai ah a kaitu thirhri a cat ih Keaton cu tisuar in a fen nain thing hnge a rak kai ngah ih an ruun suak tiang a kai ringring. Cuih tuksumza thilcangmi cu zuknung cemnak lamah an hmuh.

 Ruah lo pi in harnak sung thlen cu zuknung sung ahcun zoh a nuamzet nain nunnak taktak ih a thlen ahcun milai pawl siatsuah theinak sungih an feh lonak dingah raalrin peknak an tuah ttheu.

 Cubangtuk in Baibal in Pathian ttongkam sung ihsin pial lo dingah raalrinnak in pek. “Curuangah zinpeeng zawh ih kan pial lonak dingah kan theih ciami thudik cu hnget sinsin ih kan pom ding a ttul a si” (Heb. 2:1) tiah a ti.

 Pathian ttongkam siarnak le ruahthuknak thawn kan kaihhnget lo a si ahcun lampial a olte. Tilian bangin hih a siatral theimi leilung ih hiarnak in sualnak sungah in dir hlo ding a si.

 Baibal thukpi in kan ruat ih Thiang Thlarau lamhruainak kan hawl ahcun kan thlarau kaihhruai daan kan theithiam dingih leitlun ih ttihnungza thil cangmi sung hman ah kan him ding.

 

Baibal cu ttihphannak nei lo lungto bangin a ding,

Tilet tisuar tholai hmanah;

A ca-hmai pawl cu kumkhua thudik in a khat,

A alhmi tleunak thawn a vang.

 

Pathian Ttongkam lamhmuhtu in

na thlarau siatral lo dingin a kham ding.

 

(Visited 35 times, 1 visits today)

Comments

comments

Comments

%d bloggers like this: