Zimbabwe Ram Tihri Natnak Ah Mi 3,161 Thizo

January 31, 2009.

By- Khuang Lian Sum

North Korea Leh South Korea Rem Aw Lo

Communist ram North Korea cun, South Korea cu thinlung diklo pu leh zumtlaklo ah a puh ih. Ralkap lam thuleh Politics thilih rualremnak thuthlung an rak tuahciazo mipawlcu. North Korea in siahbal salthluh a tumthu a puang.  North Korea cun South Korea ih  thilti diklo ruangah ram pahnih hi do aw maithei dinhmun ih an dinthu a simbet.

South Korea cun North korea ih thupuan suakmi cu pawi a tithu sim’n  berem aw ding’n a sawmcih. South Korea  President, Lee Myung Bak, in North Korea hnenih khohkhah zetih thil a ti ruangah  ram pahnih karlak boruak in siatlam a pan rero laiih. kum 2002 leh 1999 hrawng tla ah khacun  an lawng ralkap pawl tla cu an rakdo aw rerozo.

South Korea President Lee Myung Bak, cun  North Korea in  a Nuclear ralthuam Programme a bansan lo ah cun  South Korea ram fehtlangih  North Korea bawmnak ding thiri phurh tlang a remti nawnlo ding tiah a puangzoih.

Himi hnuah North Korea cun  South Korea  Unification Minister dingih  Hyun In-Taek an retcu nasazet in a dodal ih   South Korea cu ram pahnih rualpi that awkding hnak cun Korea ram pahnih huat awkleh doawk a duhsawn tiah North Korea cun an puhbet.

Korea ram pahnih hi ralthuam thawn do aw ciahlo hman haisehla  kum 1953 ih kumthum sung an do awknak titawp nak kha rualrem awknak thuthlung asi loih .  Ceasefire tuahnak men tluk a raksi ruangah tutiang an do aw ringring tluk ih ruah theih asi.

Turkey Prime Minister Leh Israel  President Au Ring

Switzerland ram Davos khawpi ih neih rero laimi World Economic Forum tawnkhawm awknak ah  Tarkey Prime Minister and Israel President cu  Gaza buainak thuhla ah an awkam ring vovawn an el aw ih.   Turkey Prime Minister,  Tayyip Erdogan, in thinheng zetin hi pawmkhawm awknak In cu a suahsan.

Israel president, Shimon Peres thawi an el awknak ah hin Turkey Prime Minister hi a aw ki khal a sangzet ih, A kut khal a tum. Israel President Shimon Peres khal a au ringzet ve ih. Turkey PM cun  Israel ih thilsual timi thuhruk nakah Israel President hi a Au ring ciamco asi a ti.

Turkey PM cun khawm awknak hoha tu khal thusim nak pemal ah a puhbet ih Davos ah hin a kirsal a zumlo thukhal a simbet. Turkey PM cun lehhnu ah cun  Israel President thawi an tawh awk ruangih himi hmun suahsan asilo thu a simsal ih.

Himi khawm awknak hmunah  Israel President hnakih thusim ank an pekmal ruangih a lungawilo thu a simsal.  Turkey ramhi Muslim rampawl lakih  Israel thawi rualpi tha aw rammalte lakih telve mi asiih. Asinan Kum 2002 ah khan Islam Tapung pawlih lamtang ih ruahmi AK Party in thu neihnak an co ruangah Israel thawn an boruak hi tuihlan vekin an tha taktak thei nawnlo.

Obama Ih Nupi Naupai

US President Barack Obama ih nupi  Michelle Obama cu nau a pai tiah British Media pawlcun an sim. An fa pathum nakhi White House ah a suakding tiah  Daily Star cun a sim. Obama tei nupu hin fanu pahnih Malia kum10 mileh Sasha kum 7 mi an neizoih.

Media hrekkhat cun President nupi  in nau a pai ti theifiang nak a umlo tiah an simve. Obama tei nupa hin nauneihbet an tumnawnlo thu an raksimzo ih  tu ah cun nau apai tiah an simsal asi.

Sri Lanka Leh LTTE

Sri Lanka ralkap pawlleh LTTE pawl do awknak ruangah  Sri Lanka ram saklam ih Civil mi 2,50,000 pawlcu  hmunhim lamih thiarsuak aw dingin tikcucan pek an si ding. Sri Lanka President, Mahinda Rajapaksa cun  Civil mipawl’n hmunhim lam an panlai ah kutthlak lo dingin LTTE pawlcu a sim. UN cun  civil mipawlhi Ralkap leh LTTE pawlih kutthlak an tuar a phanthu a raksimzo.  Himi thuah LTTE lamcun ziangthu hman an simlo nan LTTE pawlcun do awknak ah hin mipi pawlcun LTTE pawlhi kilhim nak hnuaiih um an duhsawn tiah an sim.

Sri Lanka Defence Secretary, Gotabaya Rayapakse cun  himi do awknakih civil pawl dinhmun ttih nung ih um pawlcu himi hnakin an mal tiah asim. Sri Lanka President, Mahinda Rajapaksa cun hi civil mipawl hmunhim ih an thiarsuak awknak ding tikcuvan cu naza 48  can pek an si ding tiah asim.  UN High Commissioner for Human Rights, Navi Pillay, khalin Civil mipawlhi ngaituah an umzet tiah asimih.

Hi do awknak ah hin Sri Lanka ralkap pawlleh LTTE pawl khalin mipi diknak covo an pahbal sakin an palbet nasa tiah asimbet.  Himi laiah Sri Lanka ralkap pawlcun LTTE pawlcu an kawtawp ah an talbuai rero zo tiah an sim. Tui naite ha LTTE pawlih hmunpi  Kilinochchi, Mullaitivu, leh Elephan Pass pawlcu an laksak zoih  Tapungpawl ih dinhmun hi a derdaizet tiah an sim.

Zimbabwe Ram Tihri Natnak Ah Mi 3,161 Thizo

Zimbabwe ramih tihri natnak tuartu minung cu 60,000 lenglo an kimzo tiah World Health Organization (WHO) pawlcun an sim. 2008 August thla ihsin thlengmi hi tihri natnak hi a rapthlak zetih.

Zimbabwe ramih tihri natnak thlenhi tidai thianghlim lo leh hnawmhne hlawnnak mumal tuahlo   leh minung harhdam naklam thatei kilhimnak zainghman a umlo ruangah a karhzai cakzet tiah (WHO) cun an sim.

Zimbabwe ram minung Million 12 lakah a hrek hrawngcu an ngaituah umzet tiah an sim. Hi natnak hi do neh nakding lamzin hawlsuak zamrang lo asi ah cun Zimbabwe mipi ih tawnding hmailam  lamzin cu a thimzet dingtiah (WHO) pawlcun an simbet.

Comments

comments

Comments

%d bloggers like this: