ZIKA Natnak Hi Ziangvek A Si?

9794273_G

Zika Natnak: Ziang Vek Cekci A Si Pei?

(Thusuh mi letnak Thawn)

Salai V Bawi Lian

Tulai leitlun mipi thinphang tertu natnak; Zika nathrik hi a liamcia kum 70 laiih an rak hmuhsuak zo mi a si. Asinan kan dungnai te ihsin mipi vantlang ih a hrileng a luar ruangah tihnung zet le mipi thinphang ter zettu ah a cang.

American president Obama cun Zika nathrik cimit ternak dingah a cozah pi hnen ihsin sumpai $1.8 billion cu tulhruak sum tiih hman theih dingih pe dingin a rel. Asinan tutiang cu hi nat thuhla zingzoi rero lai a si.

Singapore ah hi nat neitu mi 41 ihsin 53 ih an kai dukdi tikah Asia rampi ih um mipi pawl thin a ti phang sinsin.
Sibawi thiamsang pawl ih zinzoi mi le an hmuhsuah mi pawl a tawinak in tarlang tum hnik sehla..

Tihnung A Si Ngaingai Maw?

hqdefaultZika natnak hi khawsik khurhnak phun khat a simi, Yellow fever, West Nile, Chikungunya le Dengue pawl vek cikhat a si ve. Asinan a nat khamnak ding hrang sivai a um hrih lo mi hi a si.

A natnak hi natsia le tihnung zet a rak silo. Asinan a nathrik in natnak dang kaisawng vivo in taksa ah hnatuannak dang a neih miin tih a nung ter. Lu a ti fate ih cutin thluaklam ah nat hrik a kai vivo ih thantheilonak a suah ter hleiah thihnak tiang thlen theitu nat tihnung a suak ter thei a si.

Ziangvek In Hi Nathrik Ngah A Theih?

Hi nathrik hi kawngsang phunkhat ih keunak ihsi karh zai vivo mi a si. Aedes aegypti timi, kawngsang mikeu phunkhat in nathrik a keng ih a keu ngah mi hnen ihsin a kai sawng aw vivo. A thok ahcun hi nat hrik hi Uganda tuupi ih um kawngsang ihsi suak mi a si tiin an hmusuah mi a si. Asinan tu ahcun America ram le leitlun ram hmun 31 lenglo ah a natnak a karh zo.

February 2, ah Zika natnak hi nupa sinak hmantlangnak ihsin a kai tiah thuhla a suak. USA pa a siih Venezuela ihsin a tlun ah hi nat a nei tiih theih mi a si. Nupa sinak a hmanpi mi nunau in hi nat a kai ve ruangah, nupa sinak hmantlangnak ihsin a kai tiih an rak tinak cu a si. Mipa ihsin nunau ah a kai sawng thei tiin theih a sinan, nunau ihsin mipa hnenah a kai timi cu tu tiang a um hrih lo.

Hnawi ti, cil le zun pawl ihsin hi nat a kai thei maw tiin an zohfel zo nan taksa ihsi tisuak menmen, thisen tilo ahcun nathrik hi kai sawn awk a theihlo tiin zingzoitu sibawi thiamsang pawl cun an sim.

Nupa sinak ihsin ziangtin a kai thei ti cekci hi an zingzoi fiang hrih lo ih theihfiang thei dingin an hawl rero lai fang khal a si.

In this Dec. 23, 2015 photo, 10-year-old Elison nurses his 2-month-old brother Jose Wesley at their house in Poco Fundo, Pernambuco state, Brazil. Suspicion of the link between microcephaly and the Zika virus arose after officials recorded 17 cases of central nervous system malformations among fetuses and newborns after a Zika outbreak began last year in French Polynesia, according to the European Center for Disease Prevention and Control. (AP Photo/Felipe Dana)

(AP Photo/Felipe Dana)

Ziangtin a karh vivo? Ziangvek in an na?

Hi nat kaitu mi pa 5 lakih pakhat tluk lawng in a natnak ngai hi an tuar tiin nat zingzoitu Centers of Disease Control and Prvention (CDC) pawl cun an sim. Nat a lang dan cu taksa thak, taksa ruh caang na, mit sen. Taksa thop thiamthiam le luna tivek in a lang.

A nat sung hi, ni hnihkhat ihsin zarhkhat tiang a si theu ih, sii zung ih feh tul ngaingai tiang tuar hi an um tuk lemlo. Cun a nat tuarlo ruang ih thih ding tiang khawp in a nat khal a na lo.

Zika hri ih a kensuah mi nathrik cu naute piansualnak a siih, Guilain-Barre titla ih kawh mi taksa zungzaam lam ih natnak ah nasaten a tuan mi hi tih a umnak cu a si.

zika-virus-770x470

Ka nei maw neilo ti ziangtin ka thei aw thei ding?

A hmaisabik ah Zika nathrik na neile-neilo na theih aw theinak dingah thusuhnak pawl rak ruat hmaisa aw.

  1. Nau na pai maw?
  2. Nau pai zik vek ih a um rero lai mi nu na si pang maw?
  3. Nunau thawn khuhnak umlo in nupa sinak hmang; naupai lole nau pai zik mi thawn nan um tlang pang maw?

Himi pawl a zate ih “Silo” timi na ngah ahcun na ngah theinak cu a mal. Ziangah tile hi nat hi zatek 20% hrawng lawngin, a tlun ih thusuhnak pawl thawi pehparawknak ihsi an ngah theiih cumi hmanah mi malte lawngin nat ngai cu an tuar.

Asinan atlunta pawl lak ihsin “Asi” timi na neih ih, na um dan na zumawk lo a si pang le na sibawi hnenah na thisen zohfel dingin sut lohli aw. Na thisen ah nathrik a um le umlo an rak lo zoh fiang sak lohli dingih, khawsik menmen lole tlangrai hritlang pakhatkhat menmen na rak ngah mi khal a si thei a si.

Ziangtin Zika nathrik ihsin kan kham aw thei ding?

A poi zet mi pakhat cu, tui ni tiang cu Zika nathrik khamnak ding hrang sivai tuah hleice mi a um hrih lo. Asinan nathrik zingzoitu CDC pawl cun nathrik dodeemnak ding hrang ah a hnuailam ta pawl tuah dingin mipi an zirh.

  • Rei pi cawlh hahdam ding
  • Tidai hal ih taksa ro lo dingin, a tilam tampi in ding
  • Khawsik le natnak dang kham dingin acetaminophone (Tylenol) ei a tha
  • Natsawknak dang, mai duh mi poh ei men lo a tha
  • Si dang ei rero lai mi pawl hrangah sibawi hnen feh in si ei ding mi suh lohli a tha tiin an sim.

zika-brazil-getty

US ramsung le hmun dang pawl ah ziangtin kan kilkhawi aw ding?

A thupi zetmi pakhat cu nathrik a umnak hmun tiih an tinak kiangkap ih tlawn lo hi a him bik mi a si. Asinan cutawk hmun ih tlawng tumtu hrangah kawngsang si, nisa tuarnak si pawl culh awk ding a tha ih bawngpi sau le angki sau hruh ding le inn sung tifai mi le thianfai fel mi sung ih um ding tla a si.

Zika nat na nei tiih narak ruah awk pang a sile, midang ih kai ve nawn lo dingin, mikeu-kawnsang ih keu awter lo dingin nangmah te khal na ralrin awk thiam a tha. Aedes aegypti timi natnak neitu kawngsang nu hi, kawngsang mi keu duh zet a siih, hnawm hnok lak, inn leng a vangnak hmun ih tlang mi an si. Curuangah na umnak room pawl ih sangka kha felfai ten khar pit aw.

Nathrik Umnak hmun tiih an hminsin mi pawl?

AMERICA Ram Ihsin

  1. Barbados
  2. Bolivia
  3. Brazil
  4. Colombia
  5. Commonwealth of Puerto Rico, US territory
  6. Costa Rica
  7. Curacao
  8. Dominican Republic
  9. Ecuador
  10. El Salvador
  11. French Guiana
  12. Guadeloupe
  13. Guatemala
  14. Guyana
  15. Haiti
  16. Honduras
  17. Jamaica
  18. Martinique
  19. Mexico
  20. Nicaragua
  21. Panama
  22. Paraguay
  23. Saint Martin
  24. Suriname
  25. S. Virgin Islands
  26. Venezuela

OCEANIA/PACIFIC Tikulh ram pawl ihsin

  1. American Samoa
  2. Samoa
  3. Tonga
  4. AFRICA
  5. Cape Verde

————–

Thuhram laknak:

  • Learn about Zika & Pregnancyn; Centers for Disease Control and Prevention
  • What is the Zika virus, and how afraid should we be? A scientist explains; VOX Health & Science 
  • Zika Virus What To Know; CNN
  • Zika virus: What are the chances I’ll get it? (And other Q&As)

Comments

comments

Tags:

Comments

%d bloggers like this: