ZIKA Nathrik In Leitlun A Thinphangter Vivo

160128082101-01-zika-virus-0128-exlarge-169

Zika nathrik neitu naute lang dan

The World Health Organizaton pawl cun leitlun ramtin pawl in Zika nathrik cu ngaihsak dingin le mipi hrang tihnung nathrik a si thu February 1, 2016 ah ralrin peknak le mipi theihternak an phuang.

A hleice in Brazil le French Polynesia ram pawl ih naupai, naute suak thar pawl ah hi nathrik kengtu mikeu kawngsang pawl an karh zai cak tuk tiih an hmuh ruang khal  ah a si. Zika nathrik ih a suahpi mi cu naute suakpek pawl an lu fate cuang in a um ih cutin piansualnak ci phunkhat a suah ter.

Lu fatetnak lam in Guillame-Barre timi natnak a suah ter ih cumi cu taksa zate ih zeng thluh theinak tiang a thlen thei mi a si. Asinan hi natnak ruangah himi hri dang a suah ter ti cekci cu simfiang ding a um ngai hrih lo.

International Health Regulations Emergency Committee pawl in Switzerland, Geneva ih an thurel khawmnak ah, hri leng ttihnung cungcuang a si tiih an hmuh ruangah mipi pawl in ngaihsak dingin thu an tlangzarhnak a si.

160126114445-02-zika-virus-exlarge-169

Zika nathrik neitu naute ih um dan

Zika nathrik hi nu pawl in nau an pai laiih cangmi khal a si theiih, naute hrang ih si dawh ding mi, kilvenawknak sipawl felfai te ih dawh lonak ruangah khal a suak mi a si titla in an WHO pawl cun an rel.

Kan dung zarh laiah America ramah hi nat hi a thleng tiah USA harhdamnak lam thuneitu pawl cun an puang. Ralrinnak a um lo ahcun thla 12 sungah mipi million 3 ihsin 4 karlak tluk in hinat hi kai thei ding din hmun a si.

Pan American Health Organization pawl in Zika nathrik a thlen zonak ram pawl an hminsin mi ah Costa Rica le Jamaica telllin ram 28 ah a um zo tiin Februay 1, 2016  ni ah an tarlang. Zika nathrik a um luarnak bik cu Brail ram a siih, ramdang pawl ah Caribbean, Central America, South America, Africa anle Pacific Islands ram pawl an si.

– CNN, ABC

(Visited 567 times, 1 visits today)

Comments

comments

Comments

%d bloggers like this: