Ziangtluk Miding So Na Si?

September 11

Tlawngkai Ninga

 

Ziangtluk Miding So Na Si?

 

Siar:

Tirhthlah 5:1-11

 

Bawipa in thuphan pertu pawl cu a hua;

asinan miding rintlak pawl cu a lawm.    – Thufim 12:22

 

Kumkhat Sung Baibal:

–   Thufim 10-12

–   2Korin 4

 

Woman’s Day magazine in minung 2000 lenglo hnenah ziangtluk mi tluangtlam le miding an si ti zingzoinak a nei. Ziangtluk mi rin-um na si? tiih an suh tikah zateek 48% in rin-umzet kan si, an ti; zateek 50% in rin-um kan si nawn pam an ti ih; a taangmi zateek 2% cun rin-um kan si tuk lo tiah an let.

 

Zung hnattuantu zateek 68% pawl in zung thilri kanmah bulpak ttulnak ah kan hmang tiah an phuang. Zateek 40% cun in kai ngah lo ding ti kan theih ahcun tangka ngahmi parih siahkhon (tax) pek dingmi kan bum an ti.

 

Ananias le Sapphira teih nupa in an bummi kha thei lo dingah an ruat aw (Tirh.5:1-11) . Asinan Peter thawn an ton awk tikah Thlarau Thianghlim bumtu an sizia a sim hngai. Cuti’n hmakhatte ah an thicih (cc.5, 10).

 

Bawipa in a kawhhran thar kha thianghlim tein a ret duhsannak cu zumtu pawl kha midang nunnak hrangah a hmang hngai duh ruangah a si. Bible saya G. Campbell Margon in, “Kawhhran thianghlim cu huham a nei… kawhhran thianghlim dingin a tuah theitu huham cu a sungih a ummi Pathian ih Thlarau Thianghlim a si,” a ti. Kawhhran ih thianhlimnak in an tettikhannak a karhzaiter; “Bawipa a zumtu pawl cu an Pawl sungah tam sinsin in an lut” (c.14).

 

Pathian ih hman theih mi si dingin mi rin-um le miding si zuam uhsi!

 

Bawipa, Na Thlarau Thianghlim in pe aw,

Ttongkam le ttuannak ah rin-um si dingin;

Thuphan hmuahhmuah ka hlon ding,

Na hnen ihsin Bawipa, ka relh thei lo.

 

Miding le mitlaitluang sinak ah degree cin le ri a um lo.

(Visited 24 times, 1 visits today)

Comments

comments

Comments

%d bloggers like this: