Ziangtluk kan Pathian amak in a tum!

Ziangtluk kan Pathian amak in a tum!

Siar: Job 38:31-41; 42:5-6

Siruk rawlttawm khi hmun khat ah na ttem thei ding maw?
Likhuk caang thum ttemnak hri na phoih thei ding maw?
– Job 38:31

Kumkhat Sung Baibal:

n Saam 134-136

Minesota phunsang tlawng ih arsi zoh thiamtu pawl in van dum kulh universe sungah a kauzetmi ong tumpi an hmuh thu an sim. An hmuhnak hmun cu Arsi likhuk cangthum umnak ih ni tlaknak thlanglam ah a si. Amak daan cu cuih hmun ah arsi rual le arsi dang khal an um lo. Khuathim khal a um lo. Cuih ong pi cu light year timi tleunak kum billion khat a rei zo an ti.

Hivek thu maksaktuk theihthiam ka tum tikah phundangzet in ka um. Ka ruahnak hi ziangti’n tuah ding ka thei lo. Cuvek thu nasatuk cu zo in in sim thei ding?
Cuihsin, Pathian in Job hnen ih a tuahmi ka thei saal. Harsatnak a tongtu a salpa ih thinlung cu zaan ih van dum kulh lam ah a hoiter. Likhuk cangthum umnak arsi rual pawl le mangbangza leitlun nikhua thlengh awk daan pawl thu ihsin Job ih elnak le ruahnak a tawpter (Job 38:31; 42:5-6).
Cuvek ih mangbang caan ahcun Job vekin Pathian ih huham le fimnak simfiang cawk lomi parah asung ka pek (surrender) ve a si. Pathian ih maksakzia le tum daan lawng lungkimzet in phuansuah ka duh.

Van ih sunlawinak hmuah in, Siangpahrang cu biak uh,

A huham le a duhdawtnak hla nasazet in sa uh;

Khuahlan ihsin in Runtu le kan raalphaw,

Sunloih in thangtthat uh.

Van dum kulh sungih mangbangza pawl in mangbangza Pathian biak ding in fial.

Comments

comments

Comments

%d bloggers like this: