Ziangtluk In A Nasa Leh Ding Ti Kan Thei Lo

ZIANG TLUK IN A NASA LEH DING TI KAN THEI LO

                                                                Timothy Sui Lian Mang

Edward Kimbal cu a pumcawmnak hrangah kedan a zuar. Sunday School zirhtu khal a ṭuan phah ih, D.L.Moody cu a hnenah Sunday school a zir. Ni khat cu April 1858 ah Edward Kimbal cun D.L.Moody kha piantharnak thu a sim ih, a nun Pathian hnenih hlan dingin a ngen. Kedan dawr ih hlawhaw D.L.Moody cu a kedan dawr ah cun piantharnak a hmu ih, a a nun Pathian hnenah a hlan taktak. Cutin D.L.Moody cu Pathian rawngbawltu ropi ah a hung cang. Afehnak kipah Pathian hnenah piantharnak thu a sim, mi a thawng a thawng in an piangthar, Pathian hnenah mi an nun hlan dingin a ngen hai.

England ih thuthangṭha sim ih can a hmannak ah kawhhran fate pakhat ih pastor ṭuan lai F. B. Meyer cu thuthangṭha simnak lamih a nun hlanaw ko, D.L.Moody cun a cawktho. F. B. Meryer cu America ah ra in Pathian thu a sim. Tlawngta mino pakhat Wilbur Chapman cu F. B. Meryer thusimnak in  a piangthar tariai. Wilbur Chapman in YMCA ih hnaṭuantu pakhat Billy Sunday kha thuthuangṭha sim hna ṭuan ve dingin a sawm. Billy Sunday cu Charlotte khaw lamah thuthangṭha sim in a feh ih, a rawngbawlnak a hlawhtling zet, Mordecai Hamm khalin a Crusade ah cun a bawm. Cui Crusade ṭum ah  kum 16 mi pa te in piantharnak a hmu, cupa cu Billy Graham an ti mi pa kha a si.

Billy Graham cu evangelist hminthang zet ah a hung cang, leitlun hmun zakip ah Crusade tuah in a tlawng. Mi a thawngza a thawngza in an piangthar.

Kedan zuartu pa Edward Kimbal cun Kedan zuar ve tu D. L. Moody hnenih piantharnak thu a sim mi kha hi tluk in rah a run nei ding ti cu a thei riai lo ding. Zo khal mi pakhat te hnenih piantharnak thu kan sim mi si maw, nun tungdingaw dingih mi kan va tuamhlawm mi si maw hin ziangtluk in rah a run nei vivo ding ti kan thei ban lo.

Billy Graham ih thusimnak in mipiangthar le Pathian mihman miropi tawngza tampi an suak. Operation Mobilization (O.M) dintu pa George Verwer khal hi Billy Graham thusimnak ih piangthar a si. George Verwer in leitlunah mi a thawng  a thawng in Khrih hrangih pumpeaw ko mi a cawktho.

John Staupitz le John Egglen khal hi mi tampi ih theih an si lo. Martin Luther le Charles Spurgeon Khrih hnenih hruaitu an si.

Zumtu piangthar kan zaten Pathian hrangah thil fate zet kan tuah mi khal hi ziangtluk in Pathian in a karhter ding ti kan thei ban lo.

*****

Comments

comments

2 Comments

  1. tluangtlil li says:

    A dik na sa. Ngai a nuam tuk, A dang tla rawn ngan theu uh,
    Pathian cu kumkhua in thangthat si seh…………………,

  2. Joel Lalcungmang says:

    A ṭha tuk!
    Pathian hrangih kan ṭuanmi zianghman alak a um dauh lo!
    Thazaang a thar in ka ngah zet!

Comments

%d bloggers like this: