Ziangtinkim Ih Rin-umnak

March 26

Tlawngkai Nili

Ziangtinkim Ih Rin-umnak

Siar: Kolosa 3:12-17

Ziang hmuahhmuah nan tuah ah siseh, nan sim ah siseh, Bawipa Jesuh hmin in tuah uhla sim uh.  – Kolosa 3:17

Kumkhat Sung Baibal:   Joshua 22-24   Luka 3

2007 kum August thla ah Minneapolis ih lilawn tumpi a kiak ih Mississippi tiva sungih a tlak tikah minung 13 an thi. Cumi hnu hrawng cu tipi tlun ih lilawn ka zawh tikah cuih thu ruat loin ka um thei lo.

Cumi hnu ah Discovery Channel a khaan peh TV sungah Dirty Jobs timi ka zoh. TV sungih thusimtu Mike Rowe in thir tlang pipi siithuh tupa hnenah thu a sut. “Na ttuanmi parah uar ding a um lo ti law,” a ti. Siithuh pa in, “A um lo ngai, asinain ttuan ttul hrimhrimmi hnattuan pakhat a si,” tiah a sawn.

Cuih siithuh pa cu saklam Michigan ih Mackinac lilawn pi ih khuacuannak a sunglam siithuhtu pa a si. Theihsak tlak lo a hnattuan cu lilawn tumpi ih ruh ke pawl a sunglam ihsin a lenglam tiang thir-eek a kai ih lilawn siat ding khamnak ding hrangah a si. Nitinte in Mackinac lilawn tlun ih fehtu mi 12,000 pawl in an hnattuan ttha te’n ttuan thei dingin hih siithuh pa an ring ti an hmu baan lo.

Pathian in rin-umzet ih hna kan ttuanmi a hmu. Kan ttuanmi a tum khal a fate khal a caancaan cu zohman in in theih sak lo na’n a thupibik a simi Pa Pathian in in zoh ringring. Tusun ah kan hnattuan ziangvek khal siseh, “Bawipa Jesuh hmin in a zate in ttuan cio uhsi!” (Kolose 3:17).

 Ziangvek hnattuan khal ttuan awla,

A tuum, a fate khal siseh;

 Na tha neih tawp in ttha te’n ttuan aw,

Ziangahtile a zate’n a hmu tthehtu a um.

 

Pathian hrangih ttuan tikah nitin hnattuanmi hi kumkhua man a nei

Comments

comments

Comments

%d bloggers like this: