Ziangti’n Sual theih-awknak Na Thlenter Ding

March 8
Tlawngkai Nili

Ziangti’n Sual theih-awknak Na Thlenter Ding

“Cule a rat tikah leilungmi pawl hnenah sualnak thu an ruah daan a palh zia, thutak an ruah daan a palh zia le Pathian thutthennak thu an ruah daan a palh zia pawl kha a langter ding.
– Johan 16:8

Bible Siar Ding: Efesa 5:8-21

Nangmah hi Thlarau Thianghlim thawn na khat thei ih dingnak thawn a nung lomi le Pathian thutthennak tuartu ding pawl kha nangmah ruangah an sualnak an thei aw ding timi thu hi na zum maw? Thlarau ih a khatmi nun kan neih ahcun fihnung le luaksuakza minung pawl hman kanmai’ thusimnak in an sualnak an hmu aw ding. Jesuh cu himi vek lakah a um ih a kiangkap zate sualnak ih an khah zia a langter ringirng. “Asinan Anih cu Pathian Fa sisi” na ti men ding. Pathian in Jesuh hmangin a fa ah in canter zo ruangah Thlarau Thianghlim ih ceencilhnak kan co dingih kanmah hmangin pakhatkhat a tuah tengteng dingih Jesuh bang dingin in tuah ding ti ka zum rori.

Porh awk ka duh lo. Ka porh awk ding umsun cu ka parah zaangfahnak ih a khatmi Bawipa sung lawngah a si (1 Kor. 1:31). Ka nun ah mangbangza sual theih-awknak a cangmi ka ciing lai. Thla ka camlai ah Bawipa cu ka sungah a khat ih ka nun in a duhdawtnak a luangliam. Ireland ih convention ah ka feh. Ka nunnak ah Bawipa ih Thlarau cu ritzet in ka thei aw ih ka mit-hmai tla a tleu thluh in ka thei aw. Pastor pahnih to tlangnak hmun ih ka va thlen tikah pakhat in, “Ka sualnak i theih awkter” ti’n a au. Minit pathum sungah cutawk ih umtu hmuahhmuah cu Pathian hnenah rundamnak ngah dingin an ttap ciamco. Paul in Thlarau ih hnattuannak thu a sim ttheumi a si. Thlarau Thianghlim thawn khah nun in na nun huham a lo neihter ding.

Ziangkim kan tuahmi hi Thlarau Thianghlim ih hriakthihnak hnuai ah a si a ttul. Thlarau Thianghlim in Paul hmangih a simmi: “Minung mawhphurh thutthennak thu hmanah cutluk sunlawinak a um ahcun, minung rundamnak a thlenpitu thu ahcun ziangtluk in so a sunlawinak a sunlawinak a tum sinsin ding” (2 Kor 3:9) hi zum aw. Thlarau Thianghlim na rinsan deuhdeuh asile na nunhlun a cemral vingvo dingih Pathian Thlarau in duhdawtnak le thianghlimnak thawn a khatmi nunnak thar sungah a lo hruai lut ding. Satan ih a lo naih tikah Pathian Thlarau in, “a doneh ding” (Isa 59:19).

Pathian a cangvaih tikah kannih cu a meisa-hlio (torches) vek kan si ding, kan umnak le kan thlennak hmunkip kha kan thianfaiter ding, sualnak le tthat lonak hmuahhmuah kha sualsirnak ah kan kirter saal thei ding.

Khrih sungih mi thar na si tikah thil hlun pawl cu an cemral thluh ding.

@ Smith Wigglesworth

(Visited 34 times, 1 visits today)

Comments

comments

Comments

%d bloggers like this: