Ziangtin Mi Hnam Na Thiam Thei Ding?

Hnam-awknak cu kan fala/tlangval kan duhzia kan langternak lamzin pakhat a si. Thawzet le duhdawtawzet ih kan hnam thei ding a thupi. Hnam-awk daan nuam kan thiam ahcun kan kawp piih lungawinak hrampi a si. Cangvaih thiam ih zei hi sual a si hrimhrim lo.

Hnam-awk lai ah na thaw kha na ralring deuh ding. Thlifim thawt tum ding. Na ka in na thaw na thaw lo pei. Na hnam mi ih hmur kha napin na zuh sak lo pei.

Cun, a lei khal napin na zuuk sak lo pei. Cuhnakin a hmur kha dim ten na liak sak ding. Na cil kha tampin na ti pung lo pei. Mi na hnam tikah rawl ei ding bangin na ka kaupin na ang lo pei. Bottle ih tidai in ding bang fang in na ka na ang ding.

Hnam-awk nuam tertu dingah kut a thupizet. Hnam-awk tikah na kut kha nemte’n na cangvai ter ding. A liangpar ah nem zet ten na ret thiam a tul.

Na hnam tikah na duhdawt ngaingai timi na mit ah na langter ding. Cun, a dunglam zaang tla na cul sak phah ding. Hnam-awk nuam na tizia na lang ter thiam a tul. Asinan, na taksa zaten pek ding asi lo.

Hnam-awk tikah kan mit ah kan cakzia langter ding a si. Mit kha fiangzet le no zet ih men thiam ding. Mit kha feelingzet ih tuah thiam ding. Nangmah ka lo zoh tikah hnam-awk caknak in ka khat tikha na hnam laifang ah na langter thiam ding. Na lei kha zamrangten na fuction ter lo pei.

Kam faiten nawt ding. Ka rimsia pawl hrang ahcun cekcek khai a tha. Fala hrang ahcun hmur sen thuh mi nam vervo sehla a thaw sinsin. Hnam-awk thok hlan ah hmur le lei kha hahio umzet ih tuah thiam tla a tha sinsin.

Na fala/na tlangval kha lungawilonak tla a rak nei thei ruangah kiss mood a nei maw timi tla na theih a tul ta.

Cun nan hnam-awk nak ding hmun tla kha hmun nuam le rem a si maw timi tla nan theih a tul bet. Zamrangten hnam-awk ding a silo nuam ten feelingzet hnu ah hnamawk ding. Lei hman hlan ah hmur le hmur kha ti lungawi ta ding a si.

Kan ni Laimi cun the goodnite kiss, the open mouth kiss, The French kiss, playful kisses tivek in kan then ciamco cuanglo ih ruangah mi kan hnam dingah a thupibik cu feeling phah in tawngpa hnam ih hnamawk lo ding.

Ahleice in nunau in hnam-awk rei an duh tikah mipa in cuvekih an duh tikah theihthiampi ding a si. Hnam-awk lai ah ka kaa rimsia maw tivek ih suhawk a tul lo. Hmaisabik hnam-awk cu ningzak umzet mi a si ruangah a harzet ding asinan a lo hnam-tu ih a lo hnam daan ih zirin na rak pek thiam ve ding a thupi ngaingai.

Hnam-awk tikah lei kha zamrangzet ih cangvaih ter ding a si lo ih nuam tete ih cangvaih ter ding asi. Mood a um lo ahcun tawngpa hman ih lei cangvaih ter kha a tul fahran lo. A ralrin lo laifang ih na hnam pang asile a ha le na ha tla nan khawngaw ngah thei ih hnar no te tla khawngawk ngah a theih ruangah ralrin a tul bet.

(Visited 202 times, 1 visits today)

Comments

comments

One Comment

  1. Umm.. tu cun ka zei ve deuh thlang ke.. hehe
    CT lungawi ee.. thu thatha in rak hlawm theu ih..
    Tui zan in ka fala hnen ka rak test cih ding… hahaha

Comments

%d bloggers like this: