Ziangtin an thei ding?

Ziangtin An Thei Ding?

Siar:

1 Johan 4:7-21

Zokhal Pathian a duhdawtu cun a unau khal a duhdaw ve ding.

-1 Johan 4:21

Kumkhat Sung Baibal:

1 Johan 1-5

Thufim 19:16-29

Khristian mi hrekkhat cu ziangtluk Pathianmi zet an si ti fiangter duhnak ah Khristian ziaza si lozet in an um na thei dah maw?

Veikhat ah Christian pakhat cu Hlabu sung ih hla caang a zate’n hla hruaitu in a sak lo ruangah hlabu a khup ih a hmur a boter ih khawm sung hmuahhmuah cuti’n a um. Adang pakhat lala cu mino khawmnak ah an duh zawng awnmawi tum ding timi thu ah an el aw ciamco. Cuvek in Biakinn pakhat ahcun a lai ih lamzin cu a pawlkom aw duh lo mi milian le mifarah thleidannak ah a cang.
Zumtu kan si vekin thutak parah dinghnget ding kan si thu Bible in in sim. A tlun ih thuhla pawl cu thutak thawn dokalh awmi a um lo na’n Khrih a thluntu pawl in zoh mawi lo zetin kan caangvai. Leitlun mi pawl ih in zohmi Jesuh ih duhdawtnak langter ding hnakin mahte bulpak duh daan langter kan duh sawn.
1 Johan 4:7:21 sungih kan hmuh vekin, Pathian ih duhdawtnak cun kan ziaza thleng danglamter ding in duh. A duhdawtnak sung ahcun, midang pakhat parah lungkim lonak kan neih hmanah hmuhsuam nautat ding kan si lo.
Jesuh in a sim, “Khat le khat duhdawtnak nan neih ahcun zokhal in keimah ih dungthluntu nan si kha an lo thei ding” a ti (John 13:35). Midang in, na parah Jesuh ih duhdawtnak an hmu maw?

Ka sinak, ka tuahnak, ka ttongmi hmuah in,

Ka Bawipai’ sunlawinak ah,

Ka tuahmi ah ningzahnak um lo dingin,

A hmin siatter hram hlah seh.

Thinkhat lungkhat ih a fehmi kawhhran cun, leitlun nehnak a nei thei.

Comments

comments

Comments

%d bloggers like this: