Ziangtik Hmanah An Tong aw Lo

Ziangtik Hmanah An Tong aw Lo

Siar:

Saam 103:6-14

Ka sualnak hmuahhmuah i ngaidam ttheh. – Isaiah 38:17

Kumkhat Sung Baibal:

Saam 128-130

Thufim 13:13-25

US ram sungih ni suahnaklam a hlatbiknak hmun le ni tlaknaklam a hlatbiknak hmun cu Alaska a si. Aleutians ih Pochnoi cu US ram sungih nitlaknak lam kan feh hlat theibiknak hmun a siih peng malte kan fehbet le Alaska ih Amatignak tikulh ah a tawp. Cuih hmun cu nisuahnak lam ramtthen ah a tel.

A ngaingai ahcun nitlaknak lam na feh ahcun nisuahnak lam na hmu dah lo ding. Ni suahnak lam cu nisuahnak lam ah kumkhua in a feh. Nitlaknak lam cu nitlaknak lam ah kumkhua in a feh. Ziangtik hmanah an tong aw lo. Cuhnak ih thu fiang a um thei lo.
Hih thu ihsin ziang na thei suak? Hivek in Baibal na siar tikah ngaidam a si zomi na sualnak cu nangmah thawn nisuahnak le nitlaknak vekin an hlat aw zo (Saam 103:12). Lamhlatpi ah an si veve zo. A fiang hrih lo asile, “Nan sualnak a malh tthehtu Pathian cu keimah thotho ka si. Keimah ka si ruangah hi bangtuk in ka tuah a si. Nan mawhnak cu ka ciing ringring lo ding” (Isaiah 43:25).
Na sualnak pawl ruat hnik? Jesuh ih thihnak ruangah Pathian in a lo ngaidam thei. A sinan a Fapa na zumnak lawng in a lo tuah sak ding.

Nisuahnak lam cu nisuahnak lam ah,

Nitlaknak lam cu nitlaknak lam ah,

Hi pahnih an tong aw dah lo;

Cuvek in Pathian in kan sualnak a laak hlo zo,

Rundamnak cu a famkim zo.

Kan hngilh dingmi kan theih tikah nehnak kan co.

Comments

comments

Comments

%d bloggers like this: