Ziangso Na Tuah Ding?

May 30

Nipi Ni

Ziangso Na Tuah Ding?

Siar:

Seemtirnak 2:1-7

“Ni ruk sung hna nan ttuan pei ih ni sarih ni cu hnattuan loin nan cawl pei.   -Suahlannak 23:12

Kumkhat Sung Baibal:

–   2 Sansiarnak 10-12

–   Johan 11:30-57

Tuih san ih thilthiamnak ruangah mi hrekkhat cu zarh khat ah ni 7, ni khat ah nazi 24 hna an ttuan thei. Inn ah an hnattuan ding an rak tlun ih an ttuan hlei ah  zungkai loin cawlh caan an laak hman ah hna an ttuan thotho. Electric meisa a umnak poh khui khal ah hnattuan a theih ringring.

Kan dung thlatang cu hmun tamzet vur in a khuh thluh. Thingkung an tluk ih lamzin a pit ruangah mi tampi cu innleng an suak thei lo. Electric hri pawl a siat ih mi tampi khawthim lakah zianghman tuah thei loin an um.

Hi tivek ih hnahnawhnak ka ton tikah ka hnattuan hi ka hrangah ziangtluk a thupi ti ka thei. Hnattuan um locun zianghman thupitnak le tthathnemnak nei lo vekin ka ruat aw. Asinan Pathian cun hnattuan cu kan hrangah cu tluk ih thupiter a duh lo. Thukam Hlun ah Pathian in a minung pawl cawl lawk tahrat in an thinlung Amah pek in A Thu an ngai ding a duh ti kan hmu (Suah. 23:12).

Thukam Thar san ah zumtu pawl in hih daan kan thlun lo nain cawlh hi a thupi thotho. Nipi Ni nikhat te kan cawlmi in ‘kan hnattuan hi Pathian hnattuan hnakin a thupi sawn’ tiah kan zum sualnak ihsin in kham thei.

Na hnattuan kha cawl lawkin Pathian hnenah na thinlung pekin A Thu ngai dingah ziangso na tuah ding?    –Gustafson

Cawlhnak hawl dingin Amah in hnattuan i pek,

A harbikmi hniksaknak tong dingin Amah in thazaang i pek;

A zaangfahnak le cawmdawlnak hnuai ih ka um vekin,

Lungawinak thawn A hnenah ka pan. – Gustafson

Hnattuannak in caan tawite sung kan cawl lawkta lo asile,

kan nunnak hi a kekkuai thluh ngaingai ding. Havner

(Visited 21 times, 1 visits today)

Comments

comments

Comments

%d bloggers like this: