Ziangsi A Palh Ti Mikip In An Thei Thluh

September 11

Zarhte Ni 

Ziangsi A Palh Ti Mikip In An Thei Thluh 

Siar:

Rom. 12:14-21 

Tthat lonak in lo neh hlah seh; tthat lonak kha tthatnak in neh sawn aw.   – Rom 12:21 

Kumkhat Sung Baibal:

–   Thufim 10-12

–   2 Korin. 4 

Thuthangca le a thulu pawl in leilung tlun ah ziang a sual, ti an lo sim. TV zoh aw, radio ngai aw, rualpi pawl thawn thurel aw, leilung tlun ah ziangsi a palh timi ruahnak tampi na hmu ding. Cumi cu thil sual zungkhih a oltuk ruangah a si.      

Mi tthih hmang pawl in khualtlawng pawl tomi vanzam kha an long ih New York ih inn saangzet pahnih le Pentagon ttaih phah in Pennsylvania ah an ttumter tikah leilungpi in zamrang tein thil sia tiah a ko. Hih mi siatsuah thei huham sia hin mi tampi harsatnak a pek. Siatnak ih a tuah theibikmi cu zianghman tuah thei lo vekin thei aw dingih in tuahmi hi a si.      

Asinan cuti vek ngaingai cu kan si lo. Mi tambik cun kan pumpak nunram ah siatnak fate deuh kan tong. Paul in siatnak lehrul daan a nganmi cu: A ttha lomi cu hua uh (Rom 12:9), tthat lonak thawn lehrul hlah uh (c.17), tthat lonak in lo neh hlah seh (c.21) ti a si.      

Siatnak ih siatsuah tuartu cu tthatnak a si. Cuih tthatnak cu Pathian in mi hmuahhmuah hrangah a sersiammi a si (Seem. 1:4-31). Mangbangza a simi cu Paul in tthat lonak in lo neh hlah seh a ti tikah tthat lonak hi tthatnak nehtu a si caan a um (Rom 12:21).      

Siatnak cun thil thupi hmuahhmuah a laak ttheh, asinan Pathian ih tthatnak cu a cak sawn. Pathian in a raal a simi siatnak neh dingin a tthatnak hmanter in duh.  – Julie Ackerman Link

RUAH BET DINGMI

Na nunnak ah mi pakhatkhat ih thil ttha lo tuahnak hmual na tuar asile

himi Baibal canghril pawl hi na hrangah an tthahnem ding.

Thufim 20:22; Matthai 5:38-48; 1Thess. 5:15;  1Peter 3:8-17. 

Tleunak in thimnak a neh vekin,

tthatnak cun siatnak a neh thei.

(Visited 17 times, 1 visits today)

Comments

comments

Comments

%d bloggers like this: