Ziangruangah Kan Tuar?

June 17

Tlawngkai Nili

Ziangruangah Kan Tuar?

Siar:

Matthai 5:1-12

Thlaraulam ah ka farah ti a theitu cu mi lungawi an si. -Matt. 5:3

Kumkhat Sung Baibal:

–   Nehemiah 7-9

–    Tirhthlah 3

Jesuh ih Tlangpar Thuzirhnak le zirhnak dangdang ah Pathian ih hmuh daan ahcun kan leilungpi hi namnehmi pawllam ah a ttang tiah a zirh. A netabik a simi pawl hi a hmaisabik an si leh ding (Matt.19:30; Mark.10:31; Luka.13:30). Lungneem le tangdor mi pawl cu hmaizahnak ngahtu upa ah an cang ding (Luka.14:11; 18:14).  Asinan ziangruangah Pathian in namneh mi pawl tlunah ahleice in a seherh si pei?

1.   Harsat tuarnak in zamrangzet ih tlenh kan ttul zia thei dingin in bawm.

2.   Harsat tuarnak in Pathian hngauhsannak le minung pakhat le pakhat

hngauhsan awknak tep ngah dingin in bawm.

3.   Harsat tuarnak in ttul taktakmi le nomcennak thleidang thiam ding in bawm.

4.   Harsat tuarnak in thuthangttha cohlang dingin in bawm, ziangahtile beidongin Pathian kan ko.

Mi farah, mi rilrawng, mi riahsia, le harsatnak a tuartu pawl cu mi thluasuak an si (Matt.5:3-6), ziangahtile nitin an nunnak ding hrangah khopkham in anmahte  an cawm aw thei lo ti an thei fiang ruangah bawmtu an hawl a ttul. Mi lian, mi hlawhtling, le mi mawi pawl cun an thiltitheinak an hngauhsan ding. Hmanseh mi hlawhsam le mi hngauhsan ttultu, nun diriam lo pawl cun Pathian ih duhdawtnak laksawng an cohlang thei sawn ding.

Thlaraulam ah ka farah ti a theitu cu mi lungawi an si. Ziangahtile vancungram cu anmai’ taa a si (Matt. 5:3).   –Philip Yancey

Harsatnak kan tontehmi le,

Hniksaknak kan tonmi pawl in;

Mi cakbik si dingin in zirh ding,

Pathian ih zaangfahnak kan rinsan tikah. -Sper

Derdai ih kan theih awk deuhdeuh asile

Pathian kan hngauhsan deuhdeuh.

(Visited 20 times, 1 visits today)

Comments

comments

Comments

%d bloggers like this: