Ziangruangah HLasak Thiam Pawl An Thi Tuan Ce Cuang?

_54232881_012515076-1

Kum 27 ih thi Amy Winehouse

The Asian Age 

Awnmawi phunkip thawn leitlun mipi in thlim rerotu hlasakthiam pawl hi ziangruangah an thi tuan ṭheu timi hi mitamzet ih buaipi ve mi a si. A tlangpi thu in, zu, sivai le falat tlangvalnak lam ah an hmangaw sual tiin a tawizawngin kan  sim ṭheu. 

Ahleice in, European le North American hlasakthiam, rock le pop stars pawl ih cangvaih daan pawl kan thlir tikah mahte hlasakthiam (solo artist) pawl hi a band ih hlasak pawl hnakin an thi tuan deuh cuang tiah BMJ Open report nak ah an tarlang. Hlasak thiam pawl ih kekar daan zohthiam pawl cun 1956 ihsin 2006 tiang ah mi 1,400 lenglo ih thuhla an khawlkhawm ih European hlasak thiam pawl 10 lakah mi 1 hrawng an thi tuan asinan North America cu 10 lakah 2 tluk an thi tuan tiah an tarlang.

Cule, stage par lawnglawng ah an lang ṭheu tikah anmah ngaingai nuam zetin aleng ah an vak dahlo ruangah khal an nun a har a si thei.

Leitlun mipi in aipuang tertu hlasakthiam pawl kha an thih ding kum a cu hrih lo ah an thi kan ti thei. Tehkhinnak ah Solo artists Elvis, Jimi Hendrix, rapper 2Pac, Michael Jackson, Amy Winehouse le Whitney Houston pawl tla khi! Cun, band members pawl lakin Kurt Cobain  Nirvana ihsin, Sid Vicious, punk group ihsin cun Sex Pistols le Stuart Cable , Stereophonics ihsi feh pawl tla kan hmu thei.

Jimi-Hendrix-wallpaper-jimi-hendrix-6859296-1024-768

Jimi Hendrix

2012 February ih an tarlangnak ahcun hlasakthiam kum note thi ding culo ah mi 127 lenglo an thi. Cuvek pawl cu rualpi enkawltu le khawitu ṭha um sehla an thi hrihlo dingah zum an si.  Band ih um pawl hin solo ih um hlasak pawl hi anmahte an taksak pawl siatsuah aw lo dingah thazang an pek thei a zum thu Honey Langcaster-James Celebrity psychologist cun a tarlang. European hlasakthiam pawl hi kum 39 hrawng ah an thi tlangpi theu asinan North America hlasak thiam pawl European lam hnakin an thi tam deuh.

Zovek hlasakthiam an si khalle, mah lawng hlasak ih can hmang pawl cu European maw Northern American asi hman ah band ih um pawl hnakin an thi tuan cingcing ko. European hlasakthiam pawl an thih tuan deuh nak san cu tour an feh rei tuk ruangah a si ding an zum bik. Cuvek ṭhiamṭhiam in North America hlasakthiam pawl khal sivai le a phunphun thawn rak hmangaw sual an bolo tiin psychologist, Honey Langcaster-James cun a sim bet.  Solo artist pawl cu an umhar ih anmahte um an duh vivo, an mahten mizia an nei duh ih anmah te um an thlang vivo.

Cuihlei ah, an rualpi le an sungkua ihsin an hla tikah umdaan mawi le ṭha an thei nawnlo. Cule, stage par lawnglawng ah an lang ṭheu tikah anmah ngaingai nuam zetin aleng ah an vak dahlo ruangah khal an nun a har a si thei. Curuangah solo artist siloin band ih um pawl cu zohawk ton dan an thiam ih an dam sau cingcing. A thupi cu kilkhawitu ṭha an neih ding a si. A kilkhawitu, sivai tham ve mi le nuamnak duh ve mi asi ahcun lawng pakhat to tlang vek an si dingih nunnak a tawi sinsin thei.

Comments

comments

Comments

%d bloggers like this: