Ziangruangah Duhdawtnak Hi!

67079_121143468048994_1075448332_nKa can cem le heukhau men in duhdawtnaklam thu ka ngan nawnlo ding ka ti ṭheu. Asinan, romantics lam thu hi ka thinlung cirhti puutnak ah a kaang thei hrimhrim lo ee! Kum 4 sung fala leng tahratin ka khawsa. Ka can tampi cem in ka tawivak. Hmuhsuak mi le theihsuakmi tla ka nei hnuihni.

Asinan Solomon siangpahrang cu ka bang ka tinak a si lo. Can tampi ah ziangruangah

“Do you love me?” timi kan sut aw ṭheu timi tla ka ruat. I love you! timi te khi, a rak thaw duahdo hmang! A thlumbik tla a si thei, a hnaṭuan daan bulpak tinah a bangaw lo men ding. Kei ka hrang ahcun lungawinak thlarau pakhat a si rori ko ve.

Kei, Parte in ka lo duh in ti zan kha, lamtluan in ka hni, ṭullo tuk mi tla ka sit phah. Micakbik le mawibik vekah ka ruat aw. Cun, khat lei ah tucun Parte hnenah ziangkim ka sim thei timi ka ruat fawn. Keimah hi mipa luck tuk lo ka si vekin duhdawtnak rak haal emem tu ka si ve thawn…Parte ka lo duh, ka lungawi tuk…timi ka thinlungah a khat. Ka rinum ding Parte timi thawn!

Fala in a tlangval hnenah ka lo duh a ti veten a tlangvalpa in ziangmi a tumtah ti ka thei lo. Kei ka tumtah cu, Parte parah ziangkim tuah theinak ka nei thlang tin ka ruat aw vukvi cih. Asinan, ka duhduh in a parah ka cangvai tum tinak siloin, ka haal duahdo mi duhdawtnak thu tampin sim ka tum sawn asi. Parte cu hmuhsuam le nautat ka tumlo, ka duhdawtnak cun ka tuam mawi ding timi ka tumtah sawn a si.

Ka hnam ding ih, a kutkai phah in lamtluan ka fehpi ding timi cu ka hrang ka ruat siang hrih lo. A kiang um men hman nuam ka ti…tu ahcun duhdawtnak thu ka sim tikah I ngaisak thlang ding timi ka ruah hrimhrim ah ka aipuang.

Asinan ruahlopin, kum 2 sung kan duhdawk hnu ah….
Pehsal ding…

Comments

comments

Comments

%d bloggers like this: