Ziangmi in Pathian ah a Tuah?

June 4
Tlawngkai Nikhat

Ziangmi in Pathian ah a Tuah?

Bible Siar Ding: Daanpeksalnak 32:1-4

Vancung ih a um nan Pa a famkim vekin nannih khal nan famkim ve pei.
– Matthai 5:48

Ziangmi in Pathian ah a tuah? Asilole ziangmi in pathian pawl tlunih Pathian ah a canter? A lamdangzetmi sinak le tlinnak pawl a neih ruangah maw Pathian a si? Tlin lonak pakhat pahnih te nei bang sehla teh Pathian a si thei thotho pei maw?

Khuahlan san Greek le Rom pawl ih biakmi pathian pawl cu atu le atu an thlengh aw dualdo ih theih thei an si lo. Duhdawtnak nu-pathian (goddess) an timi cu nulepa sualnak thapetu pathian a si. Tleunak pathian an timi le a raal kha a nungcung in naatuk in a vuak/a soisel, ih sabit wine pathian an timi in le zuri le nucan ttha loih mi zuvater in mi thihnak tiang a thlenh. An ttonttaihnak pawl in anmah a biaktu minung pawl kha sambaunak, tlaksamnak le famkim lonak ih capoh hnihsuahsainak ah a canter.

Bible ih a tarlangmi Pathian nung cu cutivek a si lo. Bawipa Pathian cu A lamzin zate ah a famkim thluh. Bible in minung ttong pawl hmangin Pathian ih sinak pawl sim in langter hmansehla, Anih cu minung a si lo. Pathian cu ruat taa loin thinlung sungih suakmi kip ti vohvitu le a thlengh awk olmi a si lo ruangah Amah a biaktu minung pawl in ziangmi si a lungawitertu timi an ruah rero a ttul lo. Amah cu a famkim, a tuahmi kip a famkim, a hmun ringring ih sambaunak zianghman a nei lo. A biaktu pawl ih tlaksamnak pawl phuanlang le mualphoh ai ah famkim dingin a bawm sawn a si.

Pathian cu a famkim. Cuih a famkimnak cu Pathian a sitertu a si.

Bawipa, ka lo thangtthat, ziangahtile Nang cu ziangkim ah na famkim,
Nangmah ah zianghman tlaksamnak le cokpolh vaivuannak a um lo.

Milai mizia pawl hmangih Pathian ih famkim zia kan langternak hin,
Amah kan hmuh daan a hnaihnokter maw?

@ Ava Pennington

(Visited 25 times, 1 visits today)

Comments

comments

Comments

%d bloggers like this: