Ziangmi Hrangah Thla Kan Cam Ding?

January 30
Tlawngkai Nithumfd
 
Ziangmi hrangh Thla ka cam ding?
 
Bible Siar Ding: Kolose 1:3-12

Hi bangtuk in nan thuhla kan theih vete in nan hrangah thla kan cam ringirng. Pathian in Amah ih duhnak theih theinak le Thlarau ih pekmi fimnak le theihthiamnak in lo khatter dingah Pathian kan dil a si.      – Kolose 1:9

Zumlotu pawl hrangih thlacam sak ding cu kan ttuanvo tumpi a si. Kan thinlung cu anmai’ pawl hrangah a tur nasa ih vancung Pathian le Rundamtu thawn rualremnak an neih theinak ding hi kan ruahsan le tumtahbikmi a si. Christian pawl hrangah teh ziangmi hrangah thla kan cam ding? Pathian thawn cu neel awzet in an pawlkom aw zo ih an hrangah ziangmibik hrangah thla kan cam ding?

Tirhthlah Paul in zumtu pawl hrang thlacam sak dingmi zohtthim ding tthazet in pek. Kolose khua zumtu pawl hrangih thla a cam tikah Pathian ih duhmi thei thei dingin fimnak le theihthiamnak thawn an khah theinak dingah a dil sak. Hiti ih thla a camsaknak san cu nitin an nunnak ah Bawipa ih minung an sinak thawn mil aw ih an nun thei ih rah ttha an rah ih hnattuan ttha ttuannak in Pathian lung an awiter theinak dingah a si.  Culawng si loin Pathian theihnak sungah an tthanlen ih thlarau thazaang cahnak huham thawn tuar theinak an neih theinak dingah a si. Anetabik ah lungawinak thawn an khah ih Khrih rocotu an sinak ah lungawithu an sim theinak dingah a si. A zate huap in kan zoh asile Paul cun amah ih Pathian a naihzet vekin zumtu dang pawl khal Pathian naih ding a duksak.

Zumtu dang pawl hrangih thlacam sak dingah a hramthawh kan harsat asile Paul ih thlacam daan hi thawhnak tthabik a si ko ding.

Vancung ih ka Pa, midang hrangih thlacam theitu ka sinak dingah in bawm aw. Ziangtin ka cam ding ti in hmuh hram aw.

Tuni ah Pathian in zo hrangih thlacam sak ding i duhsak? Ziangmibik hrangah thla ka cam sak pei?

@Ava Pennington

Comments

comments

Comments

%d bloggers like this: