Ziangmi Ah Na Rin Aw?

July 23

Tlawngkai Ninga 

Ziangmi Ah Na Rin Aw? 

Siar:

1 Korin. 10:1-12 

Mi pakhatkhat in hngetzet in ka ding tiah a ruat aw asile a tluksawn lonak dingah raalring seh.    – 1 Korin. 10:12 

Kum khat Sung Baibal:

–   Saam 33-34

–   Tirhthlah 1:57-80 

Inn remnak thilri dawr ih ka fehlai ah mi pakhat ih T-shirt angki sen a hrukmi parah, “Rin-awknak: Kiangkap thil um daan na theih fiang hlan ihsin na thinlung phurnak khi a si” timi cangan ka hmu.           

Hih angki parih cangan cu hnihsuakza a bang na’n a dikmi ruahnak le raalrinnak in petu ttongkam a sizia ka theifiang. Pathian ih cahnak rinsan loin kanmah le kanmah kan rinsan aw ttheu. Kan nunnak ah kanmah ih cahnak in kan ttuanvo kan tuahsuak thei tiih kan ruah awk tikah cuih kan rin-awk sualnak cu kan siatralnak ah a cangih cuih siatralnak tangah tlu in tho thei nawn lo kan si leh ding a si.             

Paul in Korin khua mi pawl hnenah, hlanlai Israel mi pawl in anmah le anmah an rin-awktuk ih an umnak thu raalrin peknak ah a ngan. Israel pawl in ziang hmuahhmuah kan hrangah a si tiin hngalnak, puarthaunak ah an hmang ih sual tuahnak ih an hman ruangah an siatral thu pawl a ngan.           

Israel mi pawl ih rin-awk sualnak nun in raalrinnak in pek. Ziangti’n a cemter? Paul in, “Mi pakhatkhat hngetzet in ka ding tiah a ruat aw asile a tluksawn lonak dingah raalring seh” (1Korin. 10:12) a ti. Saam 118:8 in, “Milai rinsan hnakin, Bawipa rinsan a ttha sawn” timi lamzin tthabik in hmuh. Duhdawtmi zumtu, nang teh ziangmi ah na rin aw?  – Bill Crowder 

Mahte ka ding thei a titu hmuahhmuah,

Tlu lo dingin raalring seh;

Himi in thudik in theihter,

Pathian cu Bawibik a si.   –Branon 

Khrih sungih rinsan neih cu a dikmi rin-awknak a si.

Comments

comments

Comments

%d bloggers like this: